Aasiaat
Arferit takornarianik Aasiannut kajungilersitsissasut
Takornariat ulluni sisamani Ilulissani sermeq iigartartoq najoreerlugu Aasiannukarsinnaapput arfernillu takornariarlutik. Aasianni umiartortut angerlarsimaffiat Qeqertarsuup Tunuani arferit ornigannaavannut takornarianik amerlanerusunik kajungilersitsiniarpoq
Aasianni arfernik pinngitsoornani takunissaq ilimanaateqarluinnarpoq. Tamannali inuppassuarnit ilisimaneqanngilaq. Takornarianut najoqqutassiami ‘Turen går til Grønland’-imi Aasiaat eqqaaneqanngilluinnarsimavoq. Tamanna umiartortut angerlarsimaffiata Sømandshjemmip allanngortikkusulerpaa.
– Akunnittarfimmi najugaqartunik arfernik takornariareersimallutik uterlutik pilluaammersi- masorujussuarnik inisimasoqartarpugut, Johannes Jensen, Aasianni Sømandshjemmip sumiiffimmi takornariaqarnermik ingerlatat amerlanerpaartaannik ullumikkut isumaginnittunngorsimasup ittua oqarpoq.
Aasiaat arfernik takunninnissamut periarfissatsialaajuaannarsimavoq, illoqarfimmili takornariat sivitsortumi ikittuinnaasarsimallutik. Maannali ilorraap tungaanut aallartoqalerunnarpoq.
Aasiaat eqqaani arferit nerisut tupinnartumik assilisat takukkit
Allaaserisaq tamaat angalanermut tunngasunik sammisami 'Nunarput misigisassarsiorfigiuk' atuaruk, sapaatip akunneranut saqqummertartoq Tamanut Kujataani uani akeqanngitsumik aasinnaavat: