Peqqinneq
Arferit puisillu neqaat puagissaartitsipput
Naatitanik nerisarneq assigalugu puisit arferillu neqaannik nerilluartarneq puannut pitsaasuuvoq
Puisit arferillu neqaannik nerisarneq, naatitartortarnertut peqqissutsimut puannut iluaqutaatigisinnaavoq.
Tamanna Grønlandsmedicinsk Selskabip misissuinerani nutaami takuneqarsinnaavoq.
Peqqinnaatsunik nerineq anertikkernarpoq
Nerisat peqqinnanngitsut ianertikkernarsinnaapput timillu atorneranik timersornermilluunniit killiliisinnaalluni, sivisuumilu naluneqarsimanngilaq nerisat puannut taamatut sunniuteqartartut. Assersuutigalugu paarnanik naatitanillu nerilluartaraanni tamanna puannut pitsaasuuvoq.
Naatitat antioxidantiinik taaneqartartut puaat ipiusaataasa aseroriartornissaannut illersuutaapput, maannalu Nunatsinni Danmarkimilu annertunerusumik misissuinerup takutippaa aamma puisit arferillu neqaat antioxidantillit fedtsyrillu taamatuttaaq puannik illersuisuusut.
Naatitatut pitsaatigisut
Ilisimatuut paasisimvaat puisit arferillu neqaannik akuttunngitsumik nerisarneq puaginnarnerusoq, tamakkuninngalu nerineq naatitarpassuarnik nerisarnertut sunniuteqartoq.
Arferit puisillu neqaat anti-oxidanteqarluartut (tamakkuagooq tassaapput nerisassat asiunaveersaataat), issittumi ilaatigut C-vitamininik pingaaruteqarnerpaanik akoqarput.
Fasfood anertikkertitsisarput
Nerisassat peqqinnanngitsut fedtsyreqarluartut, kitaamiut nerisartagaat, soorlu fastfood, anersaartuutinut akornutaasinnaapput.
Misissuineq, ilaatigut Celeste Porsbjergimit, Bispebjerg Hospitalimi Lungemedicinsk Afdelingimeersumit suliarineqarsimasoq, allaaserisap saniani faktaboksimi atuaruk.