Arfannianik isiginnaarluni
Tallimanngormat unnukkut Nuummiut Nuup Ikersuani arfanniarnermik isiginnaartinneqarput
Tallimanngormat unnukkut Nuup Kangerlua qatsungasorujussuuvoq qipoqqaallu arlallit Nuummit isiginnaarneqarsinnaapput. Pisarnertut arferit angallatinit qanillavallaarnaveersaarlugit malinneqarput.
Kutterilli ataatsip arferit qaninngoorniaannavippai. Qernertunnguit agataanut pimmat Nuummi takuneqarsinnaavoq tassaavoq arfanniut GR 6-410 "Marie Egede", Anthon Egedemit pigineqartoq. Anthon Egedep siorna Nuup eqqaani nannut pisarineqartut siulliit ilaat pisaraa. Angallatip qamutiliani angummik piareersimasoqarpoq, inuttat allat napparutit eqqaanni nasittut.
Kutterip qipoqqaat ilaat marluk qanillivikkai aallaariarneq siulleq tutsiuppoq.
- Arfanniarneq ilisimasaqarfigisorsuunagu isumaqarpunga uniortoq, tassami kutterip arferit malersuinnavippai Nuutoqaq avaqqullugu kangerlummut pulammagiap tungaanut, Toke Brødsgaard, piniarnermik nunamit isiginnaartoq oqaluttuarpoq.
Taanna oqaluttuarpoq pingasoriarluni aallaariaqqittoqarpallattartoq. Kinguninngua umiatsiaaraq umiatsiaaraq imaanut aqqarneqarpoq piniarnerlu tassanngaanniit nanginneqarluni.
Kutteri umiatsiaararlu kangerluup pulammagiaanut Nipisamullu ingerlaqqipput, tamaangalu pimmata malinnaavigineqarsinnaajunnaarput.