sisoraatinik oqilaniunneq
Arctic Winther Gamesimut ilaaginnartoqassanngilaq
Nuna tamakkerlugu sungiusaasoq Øystein Slettemark sisoraatinik oqilaniunnermi Arctic Winter Gamesimut qaammat tulleq peqataanissamut piumasaqaatinik sukaterivoq. Tamatuma kinguneranik peqataasussat ikilingaatsiarput
Øystein Slettemark, sisoraatinik oqilaniunnermi nuna tamakkerlugu sungiusaasoq, qaammat tulleq Arctic Winter Gameseqarnissaanut sisamanik toqqaavoq.
Affaannanngortitsineq
Siornatigut peqataasartut taamaasillutik affaannanngorput siornatigut issittormiut unammiuaarneranni Nunarput sinnerlugu peqataajartortut arfineq pingasuusaraluarmata.
- Aalajangerpunga Arctic Winter Gamesimut peqataanissamut piumasaqaatit sukaterniarlugit maannamullu nalilerpara Arctic Winter Gamesimut peqataanissamut sisorartartut sisamaannat pitsaassuseq sungiusarnissamullu piumassuseq angorusutara takutissimagaat, Øystein Slettemark oqarpoq toqqaatinnanilu sungiusaqatigiissitsisimalluni.
Toqqakkat
Toqqarneqartut tassaapput Bjarne Herbert Hansen, SSP, niviarsiaqqallu Anne Mette Noahsen, SSP, Naala Rasmussen, SSP aamma Nukarleq Jeremiassen NSP.
- Sungiusarnissamut kajumissuseqarluarnertik takutippaat assullu pissanngatigaara Arctic Winter Gamesimi qanoq angusaqarumaarnersut. Ilimagaara Bjarne Herbert Hansen ataasiakkaarluni unamminerni angusarissaarsinnaasoq aammalu iligiiaarnermi niviarsiaqqat angusarissaarsinnaallutik, Øystein Slettemark naliliivoq.
Allaaserisaq AG aviisimi tamakkerlugu atuaruk. Aviisi uani pisiassaavoq: