We are the Arctic
Arctic Winter Gamesip ilisarnaatitut erinarsuutaa tusarnaaruk
Erinarsuut ´We are the Arctic´, kalaallit nipilersoqatigiit Small Time Giants-ikkut sanaavat, saqqummersinneqarpoq
Aappaagu marsimi Nuummi pisussarsuup Arctic Wnter Gamesip tungaanut ingerlanneqarneranilu ilisarnaatitut erinarsuutaa ´We are the Arctic´ qularnanngitsumik amerlasoorpassuariarlugu tusartassavat.
Erinrasuut sananeqarsimavoq Small Time Giants-ikkunnit, unammiuaarnissanullu ilisarnaatitut erinarsuut maanna akeqanngitsumik Arctic Wnter Gamesip nipilersoqatigiillu nitartagaanni aasinnaalerpat.
Taamatut Arctic Winter Games tusagassiorfinnut nalunaarutikkut allappoq.
Issittumi ataqatigiinneruneq
Nipilersoqatigiit tulluusimaarutigaat AWG2016-imut ilisarnaatitut erinarsuut sanasimagamikku, neriuutigaallu taanna tusaamaneqaatigilissallugu, taamaasillunilu issittumi nunani allami tusarnaartitsisalersinnaallutik.
– Erinarsuutikkut AWG2016-imi nuannisaqatigiilluarnermik pilersitseqataassaagut. Erinarsuut Issittumi nunat akimorlugit ataqatigiinnerulernissamut tunissutigaarput. Uagutsinnut pingaaruteqarpoq erinarsuutip Issittumut tamarmut tunngasuunissaa, tamattami Issittormiuuvugut, Small Time Giants nalunaruteqarput.
Arctic Winter Games 2016-ip ilisarnaatitut erinarsuutaa ataani tusarnaaruk