aningaasat
Arctic Winter Gamesimut atatillugu immikkut kiffartuussisut
Grønlandsbanken sapaatip-akunnerata naanerani ammaniarpoq aammalu akeqanngitsumik allat aningaasaannit taarsiisitsissalluni
Annonse
Timersortartorpassuit allallu Arctic Winter Gamesimut atatillugu Kalaallit Nunaannut tikeraartut, aningaasaatitik danskit koruuniinut taarsertinnissaannut tikeraarnerminni ajornartitsissanngillat.
Marsip tallimaanit 11-iata tungaanut Nuummi Grønlandsbanken, akeqanngitsumik aningaasanik taarsiisitsinissamik neqerooruteqartassaaq. Taamaalilluni akiliut 30 koruuni sipaarneqassalluni.
Weekendimi ammassasoq
Taassuma saniatigut aningaaserivik Nuummi immikkut ittumik arfininngornermi sapaammilu nalunaaqutaq 10.00 - 14.00 tungaanut ammassaaq.
Akeqanngitsumik taarsiisitsisinnaanerup saniatigut Grønlandsbankenip issittumi unammiuaarnerit ilaatigut sulisunik aamma aningaasanik tapersiiffigaat.
Atuaruk: Grønlandsbankenip AWG 2016 tapersersorpaat