ataqqinaat
Arctic Winter Games timersornermut nersornaasiuttakkamut innersuunneqartoq
Issittumi unammiuaartsitsineq Kulturimut ministerip nersornaasiuttagaanut innersuunneqarpoq
Arctic Winter Games allallu marluk Kulturimut ministerip timersornermut nersornaasiuttagaanut innersuunnerqartut, DIF paasissutissiivoq.
Timersornerup silarsuaani takutitsilluarsimasutut suliniuteqarluarsimasutullu immikkut isiginiarneqartunut nersornaat 100.000 koruuninik nalilik tunniunneqartarpoq.
Pingasut innersuunneqarput
Issittumi unammiaarnerit saniatigut tilluuttartoq Mark O. Madsen Skole OL-ilu DIF-p siulersuisuisa innersuuppaat.
Aaqqissuussaq annerpaaq
Arctic Winter Gamesip innersuunneqarnera Kalaallit Nunaanni timersoqatigiit kattuffiata ima tunngavilersorpaa:
- Arctic Winter Games 2016 martsimi ingerlanneqartoq Kalaallit Nunaanni aaqqissuussinerit annersaraat. Timersortartut 1200 nunanit avannarlerneersut peqataapput. Unammiuaarnerillu kalaallit inuiaqatigiinnut tamanut akuutitsisut iluatsilluarput. Kajumissutsiminnillu suleqataasut 1700-it - Nuummi najugaqartut quleraarterutaat - AWG 2016 ikiuullutik.
Decembarimi toqqaasoqassaaq
Timersornermut nersornaat Kulturimut ministerip Bertel Haarderip decembarip tallimaani ilassinnitsitsinerani tunniunneqassaaq.