Arctic Winter Games
Arctic Winter Games nerisassanik siniffinnillu tunisivoq
Arctic Winter Gamesimi atortut ilaat tuniniarneqarput, ilaallu kommuninut tunniunneqarlutik
Nuup Arctic Winter Gamesimik ingerlatsisuusimanera kommunit, peqatigiiffiit, Frelsens Hærip innuttaasullu iluaqutigissavaat.
AWG-p allattoqarfiata sapaatiummat siniffiit, madrassit, tungit sinngupuullu akikitsuararsuanngorlugit tuniniarpai.
Lejrskolinut
Tamatuma saniatrigut Arctic Winter Gamesip siusinnerusukkut kommuninut neqeroorutigisimavaa siniffiit, køjesengit, assersuutigalugu peqatigiiffinnut, timersornermik aaqqissuussinerni lejrskolinullu atugassanngorlugit pisinnaagaat.
Ornittakkat
Aamma Ilaqutariinnut, Naligiissitaanermut Isumaginninnermullu Naalakkersuisoqarfimmut madrassit tunniunneqarput ornittakkani atugassatut, Frelsens Hærilu aamma siniffinnik tunineqarpoq.
Arctic Winter Gamesimik piginnittunut - Kommuneqarfik Sermersuumut, Namminersorlutik Oqartussanut inuussutissarsiortunullu namminersortunut - pingaaruteqarsimavoq tunniussat suliniutinut, meeqqanut inuusuttunullu iluaqutaasussanut kiisalu suliniutinut, Kalaallit Nunaanni peqatigiiffeqarnermik nukittorsaasunut, tunniunneqarnissaat.
Nerisassat
Nerisassat sinneruttut, pilersuisunut utertinneqarsinnaanngitsut, piginnittup Frelsens Hærimut tunniuppai.
Akikitsumik tunineqassapput
Piginnittut aamma aalajangersimapput timersornermi atortut tamaasa, allamik isumaqatigiissuteqarfigineqanngitsut, timersoqatigiiffinnut immikkut illuinnartumik akilerlugit tuninirniarlugit. Timersoqatigiiffiit pisiarineranni akiata 10 procentia akilerlugu pisiarisinnaavaat. Arctic Winter Gamesip pigisai allat akitsorterunneqarlutilluunniit tunissutigineqarumaarput.