Arctic Group

Arctic Groupip pisortaanertik annaavaat

Arctic Importip Peter Freieslebeni 2008-miik pisortaanerisimasartik paarlatissaqartinnangu annaavaat.

Arctic Import
Niunernermik suliffeqarfik Arctic Import nutaamik pisortartaassaaq.

Sisamanngormat siulersuisut ataatsimiinneranni Peter Freiesleben atorfimminiik tunuarpoq ima peqquteqarluni, "suliassatut nammagaq annertummat, pilersaarusiornissannulli eqqarsarluarusukkama kiisalu suliffimmik allamik misileerusullunga".

Ineriartortitsilluarsimasoq

Peter Freieslebeni "suliffeqarfiup suliaqarfigisaani atlantikullu avannarpasissortaani malunnaatilimmik inertortitsisimavoq kiisalu Afrikap kangisissortaani Kinamilu nutaanik pilersitsisimalluni" siulersuisuni siulittaasup, Stig Bøgh Karlsenip, paasissutissiaraa.

Pisortaanerup akisussaaffigisimasai – taartissaqalernissaata tungaanut – siulersuisuni siulittaasumit Stig Bøgh Karlsenimit suliffeqarfiulli piginnittaani marluusunit tassa Poul Jørgen Nielsenimit Ole Nielsenimit tigummineqarallassasut, siulittaasoq paasissutissiivoq.

Peter Freieslebeni qaammatini tulliuttuni suliffeqarfiup immikkut suliniutaanni peqataassaaq, ulluinnarnilu ingerlatsineq akisussaaffiuginnaarpaa.

1978-mi pilersinneqartoq

Suliffeqarfik 1978-mi niuertarfittut pilersinneqarsimavoq, kingornalu alliartuinnarsimalluni immikkulli suliaqartalersimalluni. 2001-mi suliffeqarfik Nuummi niuertarfinnut niuertarfissamik ammaavoq, tassani illoqarfiit pingaarnersaanni pisiniarfinnut niuertarluni.

2011-mi suliffeqarfik aaqqissuuteqqinneqarpoq tamatumalu kingunerisaanik XL-BYG Arctic Import tunineqarluni. Suliffeqarfiup tunineratigut Qisuerniarneq, Sanaartartorneq & Industri ilaat aamma tunineqarsimallutik. Aaqqissuusseqqinnerup Supply-imut samminerutinneqalersimavoq, tassani Arctic Importip tamakkiisumik tunniussuineq ship, offshore kiisalu piiaavilerisulli sammineqarnerulersimallutik.

Powered by Labrador CMS