Arctic Group
Arctic Group pisortaanermik atorfinititsivoq
Thomas Hjort Arctic Group A/S-mi pisortaaninngorpoq, taamaasilluni Peter Freiesleben aprilip qaammataani atorfimminit tunuartoq taarserpaa.
2015-miilli Thomas Hjort Universal Transportimi Vejlemiittumi pisortaanerusimavoq, inuussutissarsiornikkulli misilittagaqarluarluni atorfittaarluni, siulersuisuni siulittaasup Stig Bøgh Karlsenip tusagassiuutinut nalunaarut nassiussimasaani paasissutissiarineqarpoq.
KPMG-usimasoq
Thomas Hjort kukkunersiuisartuni KPMG-ni sulinini aallartissimavaa aningaasaqarnermulli ilinniakkani atorlugug 2001-miik Telenorimi Business Controlleritut immikkoortortamilu pisortaasimalluni.
Ukiuni tallimani Telenorimeereerluni 2001-mi taana Aalborgimi suliffeqarfimmi Vermund Larsenimi økonomicehefinngorpoq. 2007-milu Rikki Tikki Companymi økonomichefitut atorfeqareerluni kingorna økonomidirektørinngorpoq, 2009-milu pisortaaninngorpoq tassani suliffeqarfiup aaqqissuunneqaqqinnissaa suliassarisimallugu.
Thomas Hjortip ingerlatsiviup ineriartortinneqarnissaanut pilersaarusiorpoq ilaatigut avammut tunisassiorneq e-commercelu toqqammavilersimavai, Rikki Tikki Companyllu 2015 tugaanut pitsaalluinnartumik ineriartortinneqaranut akisussaasuulluni.