Issittoq pillugu ataatsimeersuarneq
Arctic Circle Nuummi ingerlanneqassaaq
Islandimiut suliniutaanni Arctic Circlemi Kalaallit Nunaat ingerlatsinissaminut tullinnguuppoq. Ataatsimeersuarneq Arctic Circle Greenland Forum Nuummi ingerlanneqassaaq maajip 17-ianniit 19-iata tungaanut
Ataatsimeersuarneq Arctic Circle Greenland Forum siullermeersumik Kalaallit Nunaanni ingerlanneqassaaq.
Reykjavikimi Arctic Circlemik aaqqissuussinerit peqataalluarfigineqarsimaqisut pingasut ingerlanneqareersullu issittoq pillugu ataatsimeersuarneq Kalaallit Nunaanni ingerlanneqassaaq, tamannalu pissaaq Naalakkersuisut suleqatigalugit.
Inuuniarnermi atugassarisat inuussutissarsiornikkullu periarfissat
– Sapaatip akunnerani tullermi nunarsuarmit tamarmeersut Kalaallit Nunaannut tikilluaqqunissaat Naalakkersuisunit qilanaaraarput, ataatsimeersuarneq nunanit tamalaanit peqataaffigineqartoq aatsaat taama angitigisoq Nuummi ingerlanneqalerpat, Inuussutissarsiornermut, Sulisartoqarnermut, Niuernermut Nunanullu Allanut Tunngasunut Naalakkersuisoq Vittus Qujaukitrsoq (S() oqarpoq.
Ulluni pingasuni Issittumi inuuniarnermi atugassarisat inuussutissarsiornikkullu periarfissat oqaluuserineqassapput. Takornariaqarnerup, aammalu umiarsuarnik timmisartunillu assartuinerit saniatigut oqaluuserineqassapput aatsitassat pisuussutillu uumassusillit, aammalu peqqinnissaq atugarissaarnerlu, sumiiffinni inuiaqatigiit akulerutsittarnerat aammalu issittumi aningaasaliissuteqarnissamut periarfissat.
Oqaluttuaq tamaat Sermitsiami sapaatip akunnerani saqqummersumi atuaruk. AViisi aamma uani pisiarisinnaavat: