Aqumiut peqatigiiffiannik pilersitsisoqalersoq

Kalaallit Aqumiutut Peqatigiiffianik pilersitsisoqassaaq novembarip 20-ani.

Peqatigiiffimmik pilersitsisuussaaq Nuummiu piniartoq Saxtorph Didriksen.

- Inatsisartunut qinersineq qaniittumi pisussaavoq taamaammat qinersinissaq sioqqullualaarlugu Peqatigiiffik pilersittariaqarpoq qularnanngilarmi Naalakkersuinermi pissutsinut arlaatigut Peqatigiiffissap oqariartuuteqarnissaa pisariaqassasoq, Saxtorph Didriksen tusagassiutinut nalunaarummi oqarpoq. Peqatigiiffissaq siammasissumik ilaasortaqarnissaq aammalu siulersuisuuninngortussat siammasissusimit aggerfeqarnissaat neriuutigineqarpoq.

Peqatigiiffissap kalaallit aqumiutut ilinniarnikut atorfinititsinerni salliutinneqartalernissaat sulissutigisassavaa.

- Nunatsinni najugaqavissut kilisaatini aqumiutut suliffissaannik Peqatigiiffik sulissuteqarnissaminut tunuarsimaassanngilaq. Aalisakkat allat soorlu avaleraasaqqortuut aamma avataasiorluni saarullinnik aalisarnermi kalaallit aqumiutut ilinniagallit atorneqarnissaat Peqatigiiffiup sulissutigissavaa, kiisalu Kalaallit nunatsinni nunaqarfiliartaatini usisaatini aqumiutut allagartaminnik inorsanngitsut nunaqarfiliartaatini aqumiutut atorneqaannarnissaat sulissutigineqassaaq, Saxtorph Didriksen oqarpoq.