Nuuk
Aqqusinermi ajutoorneq: Qaangeeriarneq ajutoorutaavoq
Pingasunngornermi ualikkut aqqusinermi angallannermi annertuumik ajutoortoqarnera politiit suli paasiniarpaat
Bussimik ingerlatitsisoq ilaasullu sisamat tuparujussuaqqanertik pissutigalugu Dronning Ingridep napparsimmavissuani ikiorneqarput Nuup ilaani Nuussuarmi Peter Thårup Aqqutaani annertuumik biilit ajutooreersut. Biilimik ajoqusingaatsiartumik ingerlatitsisoq aamma nakorsamit misissorneqarpoq.
Inuinnaat biiliat biilimik siunerminiittumik qaangeeriartilluni bussimut Qinngutsinnut ingerlasumut aporpoq. Biilit bussimut aportoq ima aserorsimatingaaq qatserisartut biili qiortaqqaarlugu ingerlatitsisoq aninguisissinnaasimavaat.
- Bussimik ingerlatitsisoq ilaasullu sisamat tuparujussuarsimanertik pissutigalugu Dronning Ingridep napparsimmavissuani ikiorneqarput, Nuup politiivini paasiniaasartuni vicepolitikommissær Pavia Kleist nalunaarpoq.
Biilit ajutoortut tamarmik ajutoorfiusumiit peerneqareerput.