ataatsimeersuarneq
Aqqaluk Lynge: Inuulluaqqusinera killitsisimaarutigaara
Killitsisimaartoq Aqqaluk Lynge ICC-mi siulittaasutut tunuarpoq
Aqqaluk Lynge ukiuni 34-ni ICC-mi suleqataareerluni siulittaasutut tunuarpoq.
Tamanna ICC-ip Inuvimmi ataatsimeersuani pivoq.
- Ullumikkut maaniinnera killitsisimaarnarpoq. Angusaqarluarluta ulluni sisamani ataatsimeersuarpugut. Ataatsimeersuaqatigisinnaagassi nuannaarutigeqaara, inuulluaqqusisorpassuit aamma attortinnaqaat, Aqqaluk Lynge naggataarutaasumik oqalugiarnermini oqarpoq.
Ilaquttanik piffissaqarnerulernissaq
- Ukiuni 34-nik ICC-mi suleqataavunga, suleqatigisimasakkalu inuulluaqqunissaat killitsisimaarnarpoq. Nutaanilli suliaqalernissara aamma nuannaarutigaara.
Aqqaluk Lyngep ilaquttani qutsavigai, sulineranimi maqaasisarsimapput. ICC-mimi sulinermi angalanerpassuarnik imaqarpoq. Ilaquttani najornerulernissaat qilanaaralugu oqarpoq.
Siulittaasunngortoq
- ICC-mi siulersuisunngortut siulittaasunngortorlu sulilluarnissaannik kissaappakka. Siulittaasunngortoq nukissanik tunivara, Aqqaluk Lynge oqarpoq.
Okalik Eegeesiak Canadameersoq ICC-mi siulittaasunngorpoq.