Aqqaluk Lynge atuakkamik saqqummersitsivoq

ICC-mi siulittaasutut tunuarnerminut atatillugu Aqqaluk Lynge atuakkamik saqqummersitsissaaq. 2002-mit maannakkumut oqalugiartarnini pillugit atuakkiorluni.

Atuagaq siullermik tuluttuunngorluni saqqummissaaq, ’An Inuit Voice - A collection og quotations from speeches on behalf of the Inuit Circumpolar Council 2002-2014’-mik qulequtaqarluni. Kalaallisuunngorlunilu danskisut kingusinnerusukkut saqqummerumaarpoq.

- Ukiuni 34-ni ICC-mi sulivunga. Sulinera nuannarisorujussuuvara, nunap inoqqaavi inuit pillugit annertuumik suliaqarlunga, Aqqaluk Lynge oqaluttuarpoq.

- Suut pillugit oqalugiartarsimanersunga maannakkut saqqummiuppara, maannakkullu nunap inoqqaavi suut angusimaneraat takussutissaqarluni.

Suliat amerlasuut
Atuagaq Marianne Stenbæk suleqatigalugu suliarineqarpoq.

'An Inuit Voice' atuagaavoq saqqummingajalersoq, Aqqaluk Lyngep atuakkamik saqqummersitassaanut tapertaalluni.

Aqqaluk Lyngep atuakkiaa 'Diplomacy of Survival - Aqqaluk Lynge, an Inuit statesman'-mik qulequtaqassaaq.