avatangiisit
Aqagu: Uranimut naaggaartut akerliussutsimik takutitsinerminni angertunik ilaqassapput
Nunap aatsitassanut politikkia pillugu isummatik takutikkiartorlugit, inuit tamalaat aqagu aqqusinermukassapput
Inatsisartut upernaakkut ataatsimiinnerat aqagu ammassaaq, taassuma saniatigut Nunatsinni piffinni assigiinngitsuni akerliussutsimik takutitsinerit qulingiluat ataatsikkut aallartissapput.
Atuaruk: Sumiiffinni 8-ni uranimut akerliussutsimik takutitsissamaartut
Tallimanngornermi aqqusinermiittussat amerlanersaat uranimut akerliusuussasut naatsorsuutigineqarpoq, tassami taakku akerliussutsimik takutitsinernut arfineq-pingasunut aaqqissuisuummata.
'Amerlavallaanngitsut'
Kisianni aamma tapersersuisunik mlunniuteqartoqassasoq, Sermitsiaq.AG-p ullumikkut oqaluttuaraa.
Tassami Qaqortumut inuit 'suliffissat aamma inuussutissarsiornikkut peqqissutsimut, pinngortitamut aamma avatangiisinut mianerinnilluni ineriartorneq' oqariartuutigalugu ingerlaaqatigiissapput.
Aaqqissuisut eqqaamaqquaat, aatsitassarsiortunut suliffeqarfimmut Kuannersuarni qinnuteqarniartunut urani minnerusumik pingaaruteqarmat - erseqqarinnerusumik urani 0,03 procentiusoq, tapersersuisut maluginiaqquaat.
'Tapersersuilluni ingerlaaqatigiinneq' Qaqortumi tissaluttuliap eqqaanit nalunaaqutaq 12.00 tallimanngornermi aallartissaaq.
Akerliussutsimik takutitsineq arfineq-pingasut allat
Taassuma saniatigut akerliussutsimik takutitsinissarpassuarnut aaqqissuisut nalunaarutigaat, aallartinnissaq ulloqeqqaninngaanniit nalunaaqutaq ualikkut 16.15-mut nuutsinneqarsimasoq, peqataasussat amerlanerunissaat neriuutigalugu.
Urani Naamik Narsami, Qaqortumi, Nuummi, Tasiilami, Ilulissani, Qeqertarsuarmi, Qassiarsummi aamma Narsarsuarmi aqagu aaqqissuussiniarpoq.
Aaqissuisut Erik Jensen (Siumumi politikeriunngitsoq, aaqq.) aamma Nuka David Sørensenimik inuttaqartut, tallimanngornermi atsiornernik katersilerniarput.
Uranimut akerliulluni atsiorneq
Assigiinngitsuni naapiffissat tamarmik saqqummiunneqanngillat. Nuummi Amisunit Katuap ungasinngisaani aallartissaaq.
Atuaruk: Uran pillugu maanna ersarissumik akissutissarsisinnaanngorputit
Atuaruk: Steen Lynge uran pillugu apeqqummi kisimiilluni suliniuteqalersoq