Aputip sisoorsinnaaneranut politiit mianersoqqusisut

Kalaallit Nunaanni sumiiffinni arlalinni ullup unnuallu ingerlanerani aperujussuarpoq.

Sisimiuni Maniitsumilu apummik sisusoqarsimaneranik nalunaaruteqartoqarsimavoq, tassani inuit minutsit qulit tikillugit poorussaaqqasimallutik. Politiit tusagassiuutinut nalunaarutaanni tamanna atuarneqarsinnaavoq.

Taammaattorli qujanartumik pisuni taakkunani annerusumik ajoqusertoqanngilaq.

- Taamaattumik politiit innersuussipput inuit nunaliartut qamuteralanniugaluarpat, ataarutiniugaluarpat imaluunniit pisuinnaraluarpata mianersorluarnissaat, pissutigalugu maanna apummik sisusoornissaq qanittunnguummat, politiit mianersoqqusipput.

Politiit ima siunnersuuteqarput:

• Angalaniaruit kisimiinnak.
• Minnerpaamik nipiliortartumik/Ujaasisinnaasumik nassarit apummik poorussaassimatilluni, nivaatamik aammalu toorutaasamik ujarliutitut atorsinnaasoq. Apummik poorussaagaluaruit imaluunniit poorussaasoqaraluarpat atorluarsinnaammata taaneqartut.
• Tuaviornerpaamik politiit attavigineqassapput annaassiniaasussat aallartinneqarniassapput.

Apingaatsiarsimatillugu anorlertillugulu aputip sisoornisaa ulorianarsisarpoq. Sivinganikkut apummik sisoorfiusinnaasukkut ingerlatilluni apummik sisoortitsisoqarsinnaavoq.

Sivinganersap sivigassusaa aputip sisoornissaata ulorianassusaanut apeqqutaasorujussuuvoq. Sivinganermi 40 gradinik qaangeeqqasumi ulorianarnerulersitsisarpoq.