Piniarneq
Appanniartoqarsinnaalerlunilu miterniartoqarsinnaalerpoq
Ukiakkut ukiuuneranilu miterniarneq appanniarnerlu oktobarip 15-iani aallartippoq - nalunaarsorneqarnerat takuuk
Pinialuttartunut tusarluarnartoqarpoq.
Appanniartoqarsinnaalerlunilu miterniartoqarsinnaalerpoq oktobarip 15-anit.
Inuit inuussutissarsiutigalugu piniarnermut allagartallit ullormi aallaaniarfiusumi ataatsimi timmissanik ataatsimut katillugit 30-nik pisaqaqqusaapput, aalisarnermut, piniarnermut nunalerinermullu Naalakkersuisoqarfik nalunaarpoq.
Inuit sunngiffimmi aallaaniarsinnaanermut allagartallit ullormi aallaaniarfiusumi ataatsimi timmissanik ataatsimut katillugit tallimanik pisaqaqqusaasut aamma nalunaarutigineqarpoq.
Ulluni aallaaniarfiusuni aallaaniarfiunngitsunilu pisassiissutit pisarinngitsuukkat pissamaasiunneqarsinnaanngillat. Pisassiisutit inuup nammineq pigisarai allanullu tunniunneqarsinnaanatik.
Nunap Isuaniit Qeqqata Kommuniata avannamut killeqarfianut piffissat piniarfiusinnaasut imaapput:
- Appa 15. oktober - 28/29. februar
- Appa siggukitsoq 15. oktober - 28/29. februar
- Miteq siorartooq 15. oktober - 15. marts
- Miteq siorakitsoq 15. oktober - 28/29. februar
Qeqqata Kommuniata avannamut killeqarfianiit Qaanaap aqutsiveqarfiata avannamut killeqarfianut Tunumilu:
- Appa 1. september - 28/29. februar
- Appa siggukitsoq 1. september - 28/29. februar
- Miteq siorartooq 15. oktober - 31. marts
- Miteq siorakitsoq 15. oktober - 28/29. februar