biilimik ajutoornerit
Aportoqarnerata kingorna inuit sisamat napparsimmavimmut unitsinneqarput
Nuummi politiit annaassiniartartullu Qinngorput aqqutaani biilimik ajutoormata aggersarneqartariaqarsimapput.
Nalunaaqutaq tallimanngunngitsiartoq biilit usisaatillit imminnut aporput, inuillu sisamat Dronning Ingridip Napparsimavianukaanneqarput passutsikkiartorlugit. Taakku ulorianartorsiunngikkaluarlutik passunneqartariaqarput, Nuummi politiinit pingaartuusoq oqarpoq.
Ajutoorneq t-krydsip mittarfiup tungaanut sangoriap eqqaani pivoq, apornernimilu suna pissutaanersoq suli ilisimaneqanngilaq.
- Biilimik ingerlatsisut unitsitaasimammata apersornissaat periarfissaqarfigisimanngilarput. Taamaammaat apornermut atatillugu qanoq pisoqavissimanera ilisimanngilarput, pingaartoq Sermitsiaq.AG-mut oqarpoq.
Politiit, ambulancet qatserisartullu nalunaarutiginnittoqarmat ornigutsinneqarput. Ajurtoornerup kingorna torersaaneq qatseriarfup isumagisassaraa. Inuit biilimit anillatsinniarnerini sakkulersorfiusariaqarsimanngilaq. Biilip aappaani aquttup saniatigut marlunnik ilaasoqarpoq, biilertullu aappaa kisimiissimalluni.
Politiillu massakkut oqaatigisinnaavaat ajutoornermi imigassaq peqataasimanngitsoq.