Siumup ataatsimeersuarnera

Apersuineq: Namminiilivinnissaq imaluunniit namminiilivinnginnissarluunniit?

Sisimiuni inuit sukkut tamaana naapitat nunarput namminiilivissortoq aamma nunarput namminiilivissornissamut piareersimanersoq Sermitsiamit apersorneqarput. Aperineqartut amerlanersaat suli piariinngitsugut isumaqarput

Najannguaq Grønvold Samuelsen: – Siunissami ungasinnerusumi namminiilivissulerumaartugut isumaqarpunga, kisianni tamatumunnga piareersimanissarput pingaaruteqarpoq. Tarnikkut tamatumunnga piareersimassaagut. Kisianni ataatsimoorluta suleqatiginnissarput pingaarnersaavoq. Tamatta immikkut immitsinnut tatiginissarput pingaaruteqarpoq, aamma ataatsimoorluta suleqatigiinnissatsinnut inuit amerlavallaat suli ataatsimoorfimmiilernissaminnut piareersimanngitsut amerlavallaartut aamma isumaqarpunga. Inuit amerlavallaat imminnut tatiginngillat. Dorthe OlsenKristian Lennert: – Namminiilivinnissamik eqqarsaat assut kusanarpoq, kisianni tamanna suli nalorninarpoq. Nunarput maannakkut namminiilivissornissaminut suli piareersimanngitsoq isumaqarpunga, tassami ullumikkornit suli annertunerusumik aningaasatigut pinngitsuuisinnaasariaqaratta. Namminiilivissulernissatsinnut patajaatsumik pitsaasumillu aningaasaqartariaqarpugut. Aalisarneq Nunatta Karsianik kisingajammi isertitaqartitsisuusoq eqqarsaatigigaanni taava nunatta ullumikkut namminiilivissulernissaa suli nalorninarpallaarpoq. Aamma namminiilivissulissagutta allanik naalakkersuinermik suliaqartunik peqartariaqarpugut. Naalakkersuinermik suliallit allat nunatta namminiilivissulernissaanut sulissutiginnissinnaasut pisariaqartippavut. Tamakku amigaatigaavut. Dorthe OlsenNaja Nielsen Storch: – Ullumikkut namminiilivissulernissatsinnut akissaqanngitsugut isuma­qarpunga. Aningaasaqarnissarput qulakkeeqqaartinnagu namminiilivissu­lersinnaanngilagut. Taamaanngippat taamaattoqarsinnaassanngilaq. Nu­narput namminiilivissulernissaanut immitsinnut pilersorsinnaanngorluta isertitaqartariaqarpugut naammattunik. Aatsitassanik suliffissuaqarneq aalisarnerlu ullumikkornit annertunerusumik ineriartortinneqassapput nunamullu amerlanerusunik isertitsissutaallutik, aatsaat taamaaligutta im­ mitsinnut pilersorsinnaalissaagut namminiilivissulerlutalu. Tamanna uanga inuuninni piunnanngilaq. Ukiorpassuit qaangiuppata aatsaat tamanna piviusunngortinneqarsinnaavoq. Dorthe OlsenNuunnguaq Johansen: – Tamanna sukumiisumik pilersaarusiorneqarpat aatsaat namminiilivissulersinnaavugut. Oqaatsinik kusanartunik oqaluinnarluni namminii­ livissulertoqarsinnaanngilaq. Tamanna sukumiisumik pilersaarusiorne­ qarsinnaappat immaqa ukiut qulit iluani anguneqarsinnaavoq, kisianni taamaalisoqassappat aatsaat pitsaasunik aqqusineqaleqqaarluta allanillu iliuuseqaqqaarluta namminiilivissulersinnaavugut. Inuusaaserpummi appa­riartissanngilarput. Nunami pisuussuterpassuaateqarpugut nunat allamiut iluaqutigilluagaannik. Pisuussutaatitta atornissaannut pisinnaatitaaffeqan­ngilagut, allammi tamakku atormatigit. Nunatta ineriartortinneqarnissaa­nut tamatta pisinnaatitaaffeqaraluarutta taava namminiilivissulersinnaalluarpugut. Nunarput kusanartuuvoq nuannersorujussuullunilu, sorsuffiunngilagut tamannalu takornarianik amerlanernik tikisitsisarnikkut ilaatigut atorluarneqarsinnaagaluarpoq nunatsinnullu isertitaqaataallu. Dorthe OlsenSikkersoq Hansen: – Ukiorpassuunngitsut qaangiuppata namminiilivissulertussaalluta eqqarsaatigisarpara. Tamanna neriuutigaara. Nunatta namminiilivissortuunissaa pingaaruteqartoq isumaqarpunga, tamannalu ikioqatigiilluta suleqatigiillutalu angussavarput. Uanga namminersorlunga inuussutissarsiummik ingerlatsilerusuppunga aamma allarpassuit suliffeqarfeerannguanik taamatut ingerlatsilerpata, taava nunarput namminiilivissulersinnaasoq isumaqarpunga. Inuussutissarsiutit amerlassutsimikkut naammattut pigineqarnissaat pineqarpoq Dorthe OlsenPaninnguaq Heilmann: – Piffissami qaninnerusumi namminiilivissulerunnanngilagut. Nunarput namminiivissortoq eqqarsaatigigaangakku inuit nunarput inuuffigissallugu sakkortuallaarmat nunatsinnit nussortut tamaasa eqqarsaatigisarpakka. Pitsaanerusumik inuuneqarusullutik, pitsaanerusunik atugaqarusullutik, pitsaanerusumik peqqinnissaqarfeqarusullutik, pitsaanerusumik meeqqat atuarfeqarusullutik inuttullu pitsaanerusunik atugaqarusullutik nuuttarput. Inuuneq oqinnerusoq ujartorpaat taamaattumillu amerligaluttuinnar­tut Danmarkimut nuuttarput. Aamma naammattunik iliniarsimasuute­qanngilagut, taamaattumik piffissami qaninnermi namminiilivissulernis­sarput piviusorsiorpallaarunanngilaq. Tamanna upperinngilara aamma tamanna suliluunniit takorloorsinnaanngilara. Imaanngilaq namminiilivis­ sulernissamut akerliugama, kisianni tamatumunnga piareersimassaagut aamma ullormi tassani naammattunik ilinniarsimasuuteqalerutta saperun­nanngilarput piareersimassallutalu. Dorthe Olsen

Inuit naalakkersuinermik suliaqartut namminiilivinnissaq pillugu arlaannik oqaaseqartartut akuttunngitsumik tusartarpavut, kisianni innuttasut namminiilivissulernissaq aamma namminiilivissulernissamut nunarput piareersimanersoq pillugu oqaaseqartartut akuttusuumik tusartarpavut.

Nalaatsornerinnakkut naapitat
Sisimiuni Siumup nuna tamakerlugu ataatsimeersuarfigisaani inuit arfinillit nalaatsornerinnakkut naapitat isumaat eqqarsaataallu tusarniarlugit aperaagut.

Kalaallit Nunaat namminiilivinnissamut ingerlaarujuussasoq, partiip siulittaasua Kim Kielsen isumaqarpoq. Kisianni meeqqatta imaluunniit ernuttatta piffissaanniussanersoq aalajangernianngilaa.

Unammillertaa
Siulittaasunngorniunnermi unammillertaasiq Vittus Qujaukitsoq allatorluinnaq isumaqarpoq. Namminiilivinnissamut sulineq sukkatsinneqassaaq.

Sionratigut nunanut allanut tunngasunut naalakkersuisuusimasoq Sermitsiaq.AG-mit apersorneqarnermini Kalaallit Nunaat ullumikkut namminiilivissinnaasoq isumaqarpoq - Danmarkimiillu naalagaaffimmit tapiissutit peeraluarpataluunniit.

Inuit nalaatsornerinnakkut naapinneqartut namminiilivinnissaq pillugu eqqarsaataat isummersuutaallu uani ataani atuakkit:

Powered by Labrador CMS