Skip to main content

Anthon Frederiksen: Atugarliortut Danmarkimut qimaasarnerat aaqqiissut pitsaasuunngilaq

Inunnut inuuniarnikkut oqimaatsumik ajornartorsiutilinnut kommunit ujartuinerunissaat naalakkersuisoq kaammattuivoq

Inuppassuit oqimaatsunik inuuniarnermikkut ajornartorsiutillik inuunerinnerulernissartik neriuutigalugu nunartik qimallugu Danmarkimukartarput. Amerlasuut illuatungerluinnaanik pisarput.

Amerlanertigut ikinngutit ilisarisimasallu amigaatigisarpaat, Danmarkimilu aaqqissuussaaneq kulturitulli takornartaatigaat, taamatullu aamma oqaatsit aporfiusinnaallutik. Illuanik imigassaq aamma hashi akikinnerullunilu pissarsiariuminarneruvoq.

Taakku nakkarnerpaaffissartik tikikkaangamikku, amerlasuut unnuisarfimmtu Sundholmimut pisarput, taakku angerlarsimaffeqanngitsut aamma inuit atornerluisuusut isumagisarpaat.

Isumaginninnermut naalakkersuisup Anthon Frederiksenip (PN) Sundholm pulaaqqammerpaa.

- Alianarpoq sanngiinnerusumik inissisimasut kalaallit innuttavut taama amerlatigisut, Qallunaat Nunaanni pissutsinut ilisimasaqarpiaratik, angerlarsimaffeerullutik atornerluinermillu ajornartorsiutilittut inissittartut takullugit. Arlallit Sundholmimut inissikkaangamik amerlanerit illorraap tungaanut ingerlariaqqinngisaannangajattarput, ajoraluartumillu ilai nakkaattuuissortarlutik, taanna tusagassiuutinut nalunaarummi allappoq.

Sundholmimi najaqartut affaasa missaat Kalaallit Nunaanneerput.

- Sundholm kalaallinut sanngiinnerusunut annertuumik sulissutiginnippoq. Pisariartinneqarporli erseqqissaassuteqarnerunissaq, Qallunaat Nunaannut nuunnerup inunnut taamatut inissisimasunut iluatsitsiviunngittoortarnera pillugu, angerlarsimaffimmimi ajornartorsiutit qaangerneqarsin-naanerat angujuminaammat pissutsinut ilisimasaqariinngikkanni, saaffissarissaanngikkaanni aningaasaateqanngikkaannilu, Anthon Frederiksen allappoq.

- Naalakkersuisut kommunellu innuttanut sanngiinnerusunut inuunerminni ajornartorsiuteqalersimasunut pitsaanerusumik ikiorsiisinnaasariaqarput, kukkusumik alloriannginnissaat anguniarlugu, ajornartorsiutinimmi anginerulersitsiinnarsinnaammata.

- Pisariaqartinneqarpoq ajornannginnerusumik ikiorsiisarnissaq siunnersuisarnissarlu, kommunellu ujartuinerusariaqarput suliniuteqarnerminni. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER