silarluk
Anorersuup orpik uppisippaa
Nuummi illoqarfiup orpia tallimanngornermi ullaakkut anorersuarmit uppisinneqarpoq
Anorersuup tallimanngornermi ullaakkut Nuummut pitoraattup illoqarfiup orpia qajassuussimanngivippaa. Inuppassuit orpiup tungaanut tallimanngornermi ullaakkut qissimeqqittarput orpimmi uppissimavoq.
Kommuneqarfik Sermersuumi sulisut illoqarfiup orpiata qulleerai ippassigami misiligarpaat adventip sapaataa siulleq orpiup ikinneqarnissaanut piareersaatitut. Maanna orpik napparniarneqaqqittussanngorpoq.
Anorsuaq sakkortuseqqissaaq
Orpik kanaartami naqqatigut napisimavoq. Kommuneqarfik Sermersooq Sermitsiaq.AG-mut ilisimatitsivoq anorersuaq qaangiutiiminiariarpat orpik nappariaqqinneqassasoq.
Anorersuaq tallimanngornermi ullaakkut sakkortunerpaaffimminiippoq anoraasuanerit sekund meterimut 40-nik sakkortussuseqarlutik. Anorersuaq tallimanngornermi unnukkut kingusissukkut sakkortuseqqissangatinneqarpoq anoraasuanerit sekund meterimut 30-mik sakkortussuseqassangatinneqarlutik.
Politiit innuttaasut kaammattorpaat mianersorluinnarlutik aqqusinerni angalaqqullugit.