ataatsimiinnerup kingorna
Anorersuarnissaanik ilimasaarisoqarnerata AWG-programmi kinguartippaa
Arfininngorpat anorersuarnissap malitsigisaanik Arctic Winter Games, Air Greenland aamma Issittumi Sakkutooqarfik pilersaarutissamik nutaamik piareersimasuuteqalerpoq
Kitaani anorersuup DMI-p arfininngorpamut ilimasaarutaata, Kangerlussuarmut Nuummullu tikittussat allanngortinneqarnissaat kingunerivaa, kisianni AWG2016-ip allattoqarfiata, Air Greenland aamma Arktisk Kommandop arlaatigut iluarsiinissamik piareersimapput.
- Massakkut Nunatsinni pisarnitsitut pissaagut. Silap unammilleraangatigut iluarsiissutissanik nassaartarpugut ataatsimoorlutalu iluarseeqatigiittarluta. Takoreerparput ulluni kingullerni kajumissutsiminnik suleqataasut ikioqqugaangatta qanoq tapersersortigineraatigut aamma ilimagilluinnarparput inuit tapersersussagaatigut tamannalu suliassaq iluatsikkumaarlutigu, pisortaq Maliina Abelsen taamak oqarpoq.
Tikiffissat allanngortinneqartut
- Massakkut Kalaallit nunatsinni pisarnitsitut pissaagut. Silap unammilleraangatigut iluarsiissutissanik nassaartarpugut ataatsimoorlutalu iluarseeqatigiittarluta. Takoreerparput ulluni kingullerni kajumissutsiminnik suleqataasut ikioqqugaangatta qanoq tapersersortigineraatigut aamma ilimagilluinnarparput inuit tapersersussagaatigut tamannalu suliassaq iluatsikkumaarlutigu, taamak oqarpoq General Manager Maliina Abelsen.
Erseqqissumik tikittussat allanngortinneqarneri, hockeymik unammisartut ammaanersiornermi peqataasinnaajunnaarput aamma ammaanersiorneq sapaammi nalunaaqutaq 20.00 aallartissaaq.
Abelsen isumalluartoq
Anorersuarnissaanut ilimasaaruteqartoqarnerata kingunerisaanik timersuutinik unamminissat allannguuteqalaaginnarput.
- Silami nalagaaffiginngilarput aamma sila pillugu allannguuteqartoqarsinnaasoq nalunngittuaannarparput, taamaammat pisoq malinnaaffigilluinnarparput. Massakkut pilersaarummik nutaamik suliaqarpugut, suliaqartullu tamarmik pilersaarusiaq nutaaq pilersinniarlugu sulilluartut nuanneqaaq, Maliina Abelsen oqarpoq.
Atuaruk: DMI: AWG ingerlanneqarnerani sila arlalitsigut uumisaarissaaq
- Ataasinngormalli silassat assigiinngitsut malinnaaffigilerpagut, silassallu assigiinngitsut najoqqutaralugit, takutippaallu aqagu ullukkumiit arfininngornerlu ulloq tamakkipajaarlugu anorersuarniartoq nittaallamiillu ersigunnaarniartoq. Tamanna isumaqarpoq, massakkut nutaamik angallassinermut pilersaarusiortariaqalersimasugut, pilersaarullu Arctic Winter Games 2016-imut ajunnginnerpaamik kinguneqartussamik inerneqassaaq, Niels Chemnitz Frederiksen, timmisartortitsinermut pisortaq oqarpoq.
AWG pillugu kingulliit takukkit:
Sulorartartut ilimagineqarnertik naammassiniarsariniarpaat
Video takuuk: Inuusuttut piukkunnaatillit AWG-show sioqqullugu piareersarput
Musikvideo takuuk: Arctic Winter Gamesip nipilersuutaa piareerpoq