silarloqqilerpoq
Anorersuaqqilermat timmisartuussinerit allanngussapput
Nuummi tallimanngornermi anorersuaqqittussanngormat Nuup Kangerlussuullu akornanni timmisartuussineq akornuserneqassaaq
Nuummiit Nuummullu timmisartumik angalasussat tallimanngornermi angalanissaat allannguuteqassagunavissoq Air Greenland nalunaarpoq. Nuummi anorersuaqqittussanngorpoq anoraasuanerit sekund meterimut 30-mik sakkortussuseqassangatinneqarlutik.
Anorersuaq tallimanngornerup annersaa atuutissaaq. Taamaammat ilimanarpoq ilaasut 200-ut missaat Nuummiit Nuummullu angalasussat eqqorneqassasut. Air Greenland aalangersimavoq kinguaattoornissat maanna nalunaarutigereerniarlugit.
- Suliffeqarfik aalajangerpoq allannguinerit sapinngisamik piaartumik nalunaarutiginiarlugit ilaasussat ullormut pilersaarusiorluarsinnaaneruniassammata, Air Greenland nalunaarpoq.
Uniinnarnerit kinguaattoornerillu
Air Greenlandip naatorsuutigaa Sisimiut aamma avannaa pilersaarutit malillugit timmisartuussiffigineqarumaartut.
Anorersuaq ullup naalernani qaangiutissagatinneqarpoq. Taamaammat timmisartorsuaq Norsaq ilaasunut kinguaattoortunut utaqqiniarpoq taamalu Kangerlussuarmiit nalunaaqutaq 20.40 aatsaat aallassalluni Københavnimullu arfininngornermi ullaakkut tikilluni.
- Nuummiit Nuummullu timmisartuussinerit taamaatiinnarneqanngitsumik sisamap kingorna aatsaat piumaarput silassaq kingulleq malillugu ullup taamaasinerani timmisartuussineq aallarteqqissinnaasussatut ilimanarmat. Paammiut Nuullu akornanni aamma Nuup kujataatalu akornanni timmisartuussinerit taamaatiinnarneqarput arfininngornermilu aatsaat piumaarlutik, Air Greenland nalunaarpoq.
Air Greenlandip nittartakkani nutarteqattaarniarpaa taamaasilluni ilaasussat angalanissamut pilersaarutit nutaat tallimanngornermi malinnaaffigisinnaassammatigit.