aatsitassarsiorneq
Annertuumik nalikillisoqaraluartoq Kuannersuarni suliniut ingerlaannarpoq
Japanimi atomi atorlugu nukissiorfiup ajunaarnerata kingorna uranip akia appariartupiloorsimavoq. KisianniKuannersuarni suliniummut sunniuteqarnavianngilaq, Greenland Minerals and Energyp pisortaa, John Mair, oqarpoq
Greenland Minerals and Energyp Kuannersuarmi suliniutaa, 2011- mi Japanimi Fukushimami ajunaartoqarnerata kingorna uranip nalingata 70 procentimik appariarsimaneranut sunnerneqarsimanngilaq, aamma akigititaasut tamakkuninnga suliaqartut akornanni atasinnaanngitsutut nalilerneqarput.
Saniatigooralugu tuniniagaq
Taamak pisortaq John Mair oqarpoq, taannalu innersuussivoq, ujaqqat qaqutigoortut tuniniarneqarneranut urani sanitigooralugu tuniniarneqarsinnaammat, tamanna immini anguniagaanngitsoq.
- Uranip akia suliniummut annikitsuinnarmik sunniuteqarpoq. Aningaasaqarnera siullermik ujaqqat qaqutigoortunit pivoq aamma taakku akiinit, taakkumi isertinneqarsinnaassutut naatsorsuutigineqartut akornanni 85 procentitut inissisimapput. Ujaqqat qaqutigoortut akii 2017-mi qaffariarujussuarsimapput. Ujaqqat qaqutigoortut akiisa qaffakkiartuinnarneranik tamanna pissuteqarpoq, pisortaq allakkatigut akissummini allappoq.
Mingutsitsinnginnerusumik nukissiorneq
Taassumap tikkuarpaa, nukissiorfiit mingutsitsinnginnerusut amerlasuut ujaqqanik qaqutigoortunik Kuannersuarmit aaneqarsinnaasunik pinngitsuuisinnaanngitsut.
Allaaserisaq tamaat aviisimi AG-mi atuaruk, taanna uani ataani linki atorlugu digitaliusumik isissutissarsiffigisinnaavat: