Kujataa

Annertunermik tunisinissaq qulakkeerniarlugu illusisoq

Royal Greenland ukioq kingulleq Aappilattumi tunisassiorfimmik ammaavoq. Naatsorsuutigisatullu pisoqarsimanngilaq, taamaammat Namminersorlutik Oqartussanit pigineqartoq tunisassiorfiutilik aalisartut unnuiffigisinnaasaannik illusivoq

Royal Greenland, indhandlingsanlæg, Aappilattoq
Aappilattumi tunisassiorfik

Kujataani nunaqarfinni aamma illoqarfinneersut umiatsiaararsorlutik aalisartut maanna nunaqarfimmi Aappilattumi unnuinissamut periarfissaqalerput.

Tamanna pivoq, Royal Greenlandip nunaqarfimmi illusereernerata kingorna.

Namminersorlutik Oqartussanit pigineqartoq tunisassiorfiutilik nittartakkamini taama allappoq.

Tunisassiat amerlanerusut
Tunisassiorneq naatsorsuutigisatut ingerlasimanngilluinnartoq, Royal Greenland ilisimatitsivoq.

- 2014-mi novemberimi Aappilattumi tunisassiorfik ammarneqarmalli maannamut aalisakkat 68 tonsit tunineqareerput, taakkuli tunisat annikippallaarput. Annertunerusumik qalerallit tunisaapput nunaqarfiup qanittuani saarulleqannginnera pissutigalugu saarulliit tunisaavallanngillat, kisiannili avasissumi saarulleqarluaraluarpoq. Aalisarfiusumi ukiumi 2015/16-imi aalisakkat 200 tonsit tunineqassasut anguniarparput, taamaattumik aalisartut amerlanerusut nunaqarfiup tunitsivianut tunisisisarnissaat pisariaqarpoq,Narsami tunisassiorfimmi ingerlatsisoq, Niels Sakariassen oqarpoq.

Neriuuteqarneq
Taassuma aamma oqaatigaa, aalisartut nunaqarfinni qaninnerusuneersut aggerlutik aalisariartalernissaat neriulluarfigaa.

Illu maanna iluarsaanneqartussaq sisamanik initaqarpoq, igaffeqarluni aamma inersuaqarluni.

Aapilattumi Royal Greenlandip tunisassiorfiani quersuaq qeritsitiviutigisoq 70 tonsinik imaqarsinnaavoq. Tunisassiorfimmi sulisut pingasut sulisorineqaput.

Aamma atuaruk: Tunitsivik aalisarnermut pingaaruteqarluartussaq

Powered by Labrador CMS