ilinniartitaaneq
Annersaasarnermut akiuvisussat
Ilinniartut sulianillu ilinniagaqarsimasut 150-it nutaamik ilinniartitaanermik aallarteqqammerput ilinnititaanerluni nutaaq meeqqat angerlarsimaffinni nakuuserfiusartuni alliartortarnissaasa nakuusernerullu malitsigisaanik atugaqarlutik inuusariaqartarnerisa pinaveersaartinneqarnissaannut suliamik ilinniagaqarsimasut piginnaanngorsartinneqassapput.
Ilinniartut 120-it sulianillu ilinniagaqarsimasunik 30-it paaqqinnittarfinneersut, atuarfeqarfinneersut ilaqutariinnullu sullissivinninngaanneertut, peqqissaasunit isumaginninnermulli siunnersortinit ilinniartinneqassapput.
- Ilinniartitsinikkut ilinniagaqartut sulianillu ilinniagaqarsimasut qanigisani nakuusertoqartarneranik ilisimasanik ataatsimoorlunilu tunngavissanik nutaanerpaanik aamma nakuusertarnermik ajornartorsiutaasut ataatsimoorluni paasineqartarnissaannik tuniniarneqarput, taamaalilluni pisortani sulianik ilinniagaqarsimasut suliassat aaqqissuussaanikkullu inissisimanerit apeqqutaatinnagit meeqqanik annersaasarneq pillugu suliani sumiissusersiuisarlutik akuliuttarlutillu pitsaanerusumik suleqatigiilerniassammata, Isumaginninnermut naalakkersuisoqarfik tusagassiuutinut nalunaaruteqarpoq.
Ilinniartitsinerit Naalakkersuisut 2014-2017-imi annersaasarnermut ilioriusissaasa iliuuserineqartussanullu pilersaarutaasa atuutsinneqalernissaannut ilaapput ilinniartitsiniarlunilu sulissutigineqartunik allanik soorlu Suliniut Kattunnermik, Naalakkersuisoqarfik paasissutissiivoq.