Annaassiniartoqarnerani aalisartut marluk annaanneqartut
Aalisartut marluk Ilulissat eqqaani maniilarsuarnit navianartorsiortinneqarsimapput, umiatsiatillu annaagamikkit Sikorsky-qulimiguulimmit annaanneqartariaqarsimallutik.
Aalisartut marluk Ilulissat eqqaani maniilarsuit akornanniileriasaaleramik ikiortissarsiorlutik kalerrisaarisariaqarsimapput.
Pisoq ajorseriartoq
Ualikkut nalunaaqutap 14.15 missaaani mobiltelefonikkut maniilarsuit katersuuffiannit ingerlariaqqinneq ajulerlutik kalerriutigingamikku ajorsimanngikkaluarput.
Minutsilli 45-t qaangiunnerini umiatsiartik – Nuumit 19 – annaagamikku sikumi navianartumiilermata pisoq ilungersuumminartunngorsimavoq.
Umiarsuit kalerrinneqartut
Tamatuma siuliani Aasiaat Raadioa VHF-kkut PANPAN-mik umiarsuarnut kalerrisaarisoqarpoq, tassani aalisartunut marlunnut qanittumiittunik orniguttoqarsinnaanera neriuutigineqarsimalluni.
- Pisup ajorsersiarnerani Joint Rescue Control Center (JRCC) peqataalersinneqarpoq Sikorsky–qulimiguulillu Kangerlussuarmiit sumiiffimmut ornigutsinneqarluni, Nuummi pingaartuuneq, Søren Bendtsen Sermitsiaq.AG-mut paasissutissiivoq.
Ajornartoornermi qulimiguulik taamaallaat atorneqarsinnaasimavoq, tassani vaajari atorlugu aalisartut qulimiguulimmut ikaanneqarlutik, pingaartuuneq oqaluttuarpoq.
Ajunngitsut
Aalisartut marluk erngertumik Ilulissanukaanneqarput pisarnerlu malillugu ajunnginnersut napparsimavimmi misissorneqarlutik.
Taakku tamarmik ajunngitsut, Søren Bendtsenip paasissutissiaraa.