Anmeldelse: Naliliineq: Akisussaaffik inuianniippoq

Isiginnaagassiaq Nuutoqqami takutinneqartoq 'Toqqortaq' pillugit Aviaq Brandt naliliivoq.

Aviaq Brandt ima allappoq:

'Isiginnaagassiaq torrallataavoq kikkut tamarmik ilisimasariaqagaat. Oqaluttuarisaanerput kulturerpullu aamma qitiutinneqarpoq. Kimmernaq Kjeldsen isiginnaartitseqataalu takutitsilluartorujussuupput.

Kulturitsinnut asanninneq takuneqarsinnaalluarpoq. Suminngaanniit aallaaveqarnersugut ersersinneqarpoq suullu tungaanut ingerlaarnersugut takutinneqarluni. Asanninnerput peqataatittariaqarparput. Qangaaniilli pisimasut ataqqillugit ingerlaqqittariaqarpugut, ingerlaqqinnitsinnilu paasillugu sapinngitsugut.

Suminngaanniilluunniit isiginnaartuugaluaraanni isiginnaagassiap oqariartuutaa ersarippoq. Inuunermi pisimasut, maannakku piffissaq siunissarlu ataqqisariaqarput. Tamaasa inuunitsinni tunngassuteqarput, soorlu kiniiserit tikittussat, Inatsisartut ataatsimiittarfissaat kiisalu Nuutoqqami hoteliliornissaq.

Eqqugaasutut, isiginnaartutut suleqataasutut naalakkatulluunniit immitsinnut isigivugut? Nammineq aalajangissavarput.

Isiginnaartitsineq amerlaqisunik takutitsivoq, naggataatigut qummoroortarnersuaqarluni kusanartorsuarmik.

Innuttaasuusugut uagut aalajangiisussaavugut. Maannakkut oqallisigisaasut ataatsimoorunneqarluarlutik. Innuttaasunik peqataatitsisoqassaaq, ataqqinnittoqassallunilu allanngussisoqarnissaa uanga toqqarpara. Innuttaasut isiginnaaqataasut inuunermi tunineqarput - Pilluaritsi!'