juullimi tunissut

Aningaaserivimmi atuisut juullimut kina tunisissanersoq aalajangerpaat

Grønlandsbankenip atuisuni inuiat attaveqatigiittarfiisigut, ukioq manna juullimut tunniuttagaq 25.000 koruunit kimut/kikkunnut tunniunneqassanersoq aperisimavai. Ukioq mannalu juullimut tunniuttagaq Neriuffiit Kattuffiannut tunniunneqartussanngorpoq.

Grønlandsbankens finanselev Kristine Heiselberg Thomsen, der her ses sammen med maskotten APPA, overrækker juledonationen til Aviâja Lynge, som på vegne af Neriuffiit Kattuffiat modtager denne.

Inuit 1.100-t Facebookimi taasititsinermut peqataapput, Neriuffiit Kattuffiatalu toqqarneqarnera soorunami Aviâja Lynge, Neriuffiit Kattuffiat sinnerlugu aningaasanik tigusisup nuannaarutigaa.

- Nuannaarutigaarput Grønlandsbankenip juullimut tunniuttagai 25.000 kr.-nit uatsinnut tunniunneqarmata. Aningaasammi atorfissaqarteqaagut, suliniaqqinnissatsinnummi atorneqassagamik. Neriuffiit Kattuffiammi assersuutigalugu nappaassuarmik Kræftimik eqqorneqarsimasunut aningaasanik tunniussaqartarpoq, tamannalu Neriuffiit Kattuffiannit pingaarteqaarput, aammalu saniatigut pingaartillugit suliarisarpagut kalaallisut naqitanngorlugit paasissutissiissusiat, ingerlaaavartumik kræftimik napparsimasunut ilaqutaannullu oqaloqatiginnittartunut siunnersuisartussanillu pikkorissaasanerit il.il., peqatigiiffimmi siulittaasoq, Sara J. Brandt, tusagassiuutinut nalunaarummi oqarpoq.

Siammasissumik tapersersuineq pingaarutilik
Siulittaasup nuannaarutigaa, juullimut tunniuttakkanik tuniussinissami innuttaasut peqataajumasut aalajangiisuusimammata.

- Inuimmi 1.000-it sinnerlugit Grønlandsbanken-ip Facebookiatigut taasisimanerat uatsinnut suli naleqartitsinerulerpoq. Aningaasammi qujanaqaat, kisiannili suliniaqatigiiffittut ingerlanitsinni nuannerpoq takullugulu misigisinnaagatsigu, inuttaaqatitta akornanni siammasissumik tapersersorneqarnerput, tamannami Neriuffiit Kattuffiannut pingaartorujussuuvoq.

Grønlandsbankenip siunertanut pitsaasunut Juullimut tunniuttagaa ukioq maanna ukiut tulleriit arfinilissaat tunniunneqarpoq. Siornalu aningaaasat meeqqat piginnaatitaaffii pillugit suliniaqatigiiffimmut MIO-mut tunniunneqarput.

Powered by Labrador CMS