aktianit pissarsiat
Aningaaseriviit aktiaatilinnut agguaassipput
BankNordik aamma Grønlandsbanken naalagaaffeqatigiinnerup iluani aningaaseriviit akornanni immikkut inissisimapput, taakku sinneqartoorutit amerlanerpaartaat piginneqataasutut agguaappaat.
Nittartakkami tusagassiorfiup finans.dk-p naatsorsuinerata tamanna takutippaa.
BankNordik allattorsimaffimmi siuttuusoq
- Aningaaseriviit arfineq-marluk sinneqartoorutit amerlanerapaartaat aktiaatilinnut agguaallugit imaluunniit aktianik piseqqinnermut atatillugu utertikkamikkit siorna immikkut inissisimapput. BankNordik siuttuuvoq, sinneqartoorutit 139 pct. agguaakkamikkit. Tamanna immikkut ittumik Savalimmiuni sillimmasiisarfiup tunineqarneratigut aamma danskit inuussutissarsiortut niuernerannut tunngatillugu iliuuseqarnerup kinguneranik agguaassisoqarpoq, finans.dk allappoq.
Allattorsimaffimmi BankNordikip siuttuuffigisaani Grønlandsbanken sisamaattut inissisimavoq, 87 prcentinik agguaassigami, taamaallaallu Danske Bankimit aamma Sydbankimit aamma Savalimmiuni aningaaserivimmit qaangerneqarluni.
Ukioq manna aamma agguaasoqassasoq
Per Hansen Nordnetimi aningaasaliisarnermut økonomi, finans.dk-p allaaserisaa naapertorlugu, aningaaseriviit anginerit ukiormanna aktiaatilinnut 8 procentimit 10 procentimut iluanaaruteqartinnissaat qulakkeersinnaagaat naliliivoq.
Takusassiami takuneqarsinnaavoq, BankNordik aamma Grønlandsbanken ukiuni sisamani kingullerni piginneqataasunut agguaassisarsimasoq.