timersorfiit
Aningaasateqarfik Nunatsinni timersorfissanut millioninik aningaasaliivoq
Sanaartugassanut Aningaasaateqarfik immikkut ittumik iliuuseqarluni Nunatsinni timersorfissanut ineriartortitsinissamut anigaasanik illikartitsivoq
10 millionit koruunit.
Aningaasat taama amerlatigisut Sanaartugassanut Aningaasaateqarfik aalajangerpoq, 2016-mi Kalaallit Nunaanni timersornermut attuumassuteqartumik immikkut ittumik ineriartortitsinissamut tapiissuteqarumalluni.
- Kalaallit Nunaanni siusinnerusukkut timersornermut atatillugu alutornartunik ilusiligaasunik sanatitsisoqartarnikuuvoq. Tamannalumi siusinnerusukkut iluatsilluarneqartoq takunikuuarput, qilanaarpugullu Kalaallit Nunaanni timersorfissanik nutaanik pilersitsinissani sumiiffinni ataasiakkaani inuit piumassuseqarlutik ineriartortitsinissami qimuttuusut suleqatigissallugit, Lokale og Anlægfondemi pisortaq, Esben Danielsen tusagassiorfinnut nalunaarummi oqarpoq.
Assit takukkit: Piumassutsimik suleqataajumalersitsiniartut
Siullermiilinngitsoq
Aningaasaateqarfik aatsaat siullermeerluni Nunatsinni millioninik illikartitsilinngilaq. Tassami aningaasaateqarfik ukiuni arlalinni Nuummi naluttarfiup Maliup ineriartortinneqarneranut 2003-mi naammasineqarnissaa tikillugu peqataavo, aammalu pilersaarut 12,5 millionit koruuninik tapiissuteqarfigalugu.
Maannali Kalaallit Nunaanni timersorfiusinnaasut annerusut pilersaarusiuunneqaqqilerput. Lokale og Anlægsfondenillu pilersaarutinut inerisaanissamut tunngasunut piviusunngortinneqartussanut tallimanut arfinilinnut peqataasinnaaneq pillugu saaffigineqarsimavoq.
Tamannalu tunngavigalugu aningaasaateqarfik aaliangerpoq 2015-imi minnerunngitsumik Kalaallit Nunaanni timersorfissanik inerisaanissanut 10 millionit koruuninik immikkoortitsiniarluni.
Atuaruk: Sermersooq ivigaasanik arsaattarfinnik pilersitsilerpoq