Tasiilaq

Aningaasat festivalimeersut Tasiilamut tunniunneqartut

Skanderborg Festivalimiittut aningaasartuutaat, meeqqat aasaanerani atuarnerannut iluaqutaassapput

Skanderborg Festivalertoqarnerani immiaaqqat amerlanerusut imerneqartillugit, atugarliortunut kiserliortunullu aningaasat amerlanerusut tunniunneqassapput.

Smukfonden, festivalip sinneqartoorutaanik aamma immiaaqqanik tuniniaanermit aningaasaateqarfiusoq, tallimanngormat suliniutinut arlalinnut 211.000 koruuninik aningaasaliivoq.

Ukioq manna pingaarnertut 50.000 koruuninik Tasiilami meeqqat atuarfiat aningaasaliiffigineqarpoq.

Amigartooruteqartut
Naak siorna Skanderborg Festivalimi aatsaat taamak kaaviaartitaqartigisoqaraluartoq amigartoortoqarpoq. Taamaattumik Smukfondenimit tapiissutit ukiup siulianit pingajorartiinnaraat, taamani 655.000 koruunit tapiissutigineqarsimapput.

- Karsimi aningaasaatit apeqqutaapput. Maanna festivalertitsilluarnissarput neriuutigaarput, taamaalilluni aappaagumut aningaasaqassaaq, Poul Martin Bonde oqarpoq, taanna festivalimi oqaasqartartuullunilu siulersuisunut ilaasortaavoq.

2014-imi pilersinneqartoq
Smukfonden 201-imi pilersinneqarpoq. Sinneqartoorutit 20 procentii aningaasaateqarfimmut pineqartarput, taannalu atugarliortunut kiserliortunullu suliniutinut aningaasaliisartutut siunertaqarpoq.

Aningaasaateqarfik aamma immiaaqqamik tunisinerit tamaasa Unibrewimit 2 koruuninik pissarsisarpoq.

Ukiup affaa qaangiuppat ataatsimeersuartoqarnerani aningaasaateqarfiup 2 millionit koruunit tapiissutigereersimassavai.

Smukfestimi kaaviaartitat ukiut tamaasa annertusiartorsimapput. Siorna 135 millionit koruuniupput, taakkulu ukiut tallimat matuma siornatigut 40 millionit koruuninik amerlanerupput.

/ritzzau/

Powered by Labrador CMS