Skip to main content

Aningaasaqarnermut Siunnersuisoqatigiit: Ilinniartitaanermut aaqqissuusseqqinnerit aallartinneqarlik

Ilinniartitaanermut suliassaqarfimmi suliniuteqarneq nukittorsarneqassaaq, tamannalu nukinginnarnerusumik pisinnaavoq.

Nunatta aningaasaqarnera pillugu, Aningaasaqarnermut Siunnersuisoqatigiit tallimanngornermi ullaakkut ukiumoortumik nalunaarusiamik saqqummiussisut taama oqariartuuteqarput. Siunnersuisoqatigiit siulittaasuata Torben M. Andersenip, tallimanngornermi ullaakkut Inatsisartut allaffeqarfianni tusagassiortunik katersortitsinermi saqqummiuppaa.

Naalakkersuinermik suliaqartut inuusuttut ukioqatigiiaat 70 procentiisa inuussutissarsiornermut ilinniakkamik ilinniagaqalernissaannik annertuumik anguniagaqarput.

Anguniagaq anguneqarsinnaanngilaq

- Ukioqatigiit 44 pct.-iisa missaat 35-nik ukioqaleraangamik suli meeqqat atuarfiat ilinniagarisarpaat qaffasinnerpaaq. Siumuttaaq naatsorsuinerup takutippaa, maanna ilinniarnermi pissutsit atuutsillugit, anguniagaq 70 pct.-iusoq 2040-mi anguneqassanngitsoq. Taamaattumik sulisartut ataatsimut amerlasoorpassuit meeqqat atuarfiat ilinniakkatut qaffasinnerpaatut ilinniagarissavaat, siunnersuisoqatigiit ukiumoortumik nalunaarusiaani tamanna allaqqavoq.

Politikerit ‘’2019-imi imaluunniit 2020-mi aalajangiiniartut, tamatuma kingorna politikkikkut isumaqatiginninniarnerit aallartissinnaasut’’, Aningaasaqarnermut Siunnersuisoqatigiit paasivaat.

- Ajornartorsiutinut ilisimaneqartunut annertuunullu, minnerunngitsumik meeqqat atuarfianni atatillugu piffissaq tamanna sivisoorujussuuvoq, siunnersuisoqatigiit naqissusiipput, ilanngullugulu oqaatigaat:

Ukioqatigiiaarpassuit katappagut

- Suliaqarnerup taama sivisutigisup akornutigaa, ukioqatigiiaat arlallit ilinniarfeqarfimmi katataasinnaammata. Ilinniarneq pillugu suliassaqarfimmi siuariartornissamut killilersuisoq aalajangiisuusut tassaanngillat ilinniartitaanermi aaqqissuussaanikkut sinaakkutaasut, siunnersuisoqatigiit isumaqarput.

- Ajornartorsiutit inernerusuniinnerupput; atuartorpassuit meeqqat atuarfianni atuarnermi tunngaviusunik piumasaqaataasunik pisannginnerat, taamaasillutillu ilinniartitaanermi ingerlaqqinnissamut periarfissinneqarneq ajorlutik. Matumani unammillernartuuvoq angajoqqaat, ilinniartitsisut politikerillu akornanni suleqatigiinnikkut, suliassaqarfimmi piviusumik pitsanngoriaateqarfiusumik inerneqartumik paasiniaanissaq, siunnersuisoqatigiit inerniliipput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER