misissueqqissaarneq
Aningaasaqarneq pitsaanerussappat ilinniartitaaneq pitsaanerusariaqarpoq
Ilinniartitaanerup qaffassarniarneqarnera arriippallaarujussuarpoq – tamanna inuussutissarsiuutinut ineriartortitsiniarnermut akornutaavoq. Nationalbanki Kalaallit Nunaata aningaasaqarneranut misissueqqissaarnermini allappoq
Amerlanerit ilinniaqqittalissasut, Ilinniartitaanermut Naalakkersuisoq Doris Jakobsenip (S) ippassaq nalunaarutigaa.
Tamannalu anguneqassappat suleqatigiissitaq ilinniartitaanermut aaqqissuusseqqinnissamut siunnersuuteqassaaq.
ATUARUK: Inuusuttut amerlanerit ilinniaqittalissapput
Inuussutissarsiornikkut ineriartortitsisoqassappat ilinniartitaanermik piumasaqaatitaqarpoq
Tamanna pisariaqarluinnartoq, Danmarkip Nationalbankiata misissueqqissaarnerani erserpoq. Ilinniartitaanerummi qaffasissusaata qaffassarniarnera arriippallaarujussuarpoq.
Inuussutissarsiornermi aaqqissugaaneq siamasinnerusoq anguneqassappat qaffasissumik ilinniangaqarsimassuseq piumasaqaataavoq, taamaasilluni aalisarneq kisimi napassutaassanngilaq.
ATUARUK: Nationalbanki: Aningaasaqarnikkut politikki suli qajannaatsuunngilaq
- Inuussutissarsiuutit siamasinnerusut kalaallinit suliffigineqarsinnaasut anguniassagaanni ilinniartitaaneq qaffassartariaqarpoq. Siuariartortoqarpoq, arriitsumilli, Nationalbanki misissueqqissaarnermini allappoq.
Ilinniartitsisunngorniartarneq ajornartorsiutaasoq
- Tassunga atatillugu immikkut isumakulunnarpoq Naliliisartut 2015-imi 2016-imilu nalunaarusiormata meeqqat atuarfii ilinniartitsisunngorniarfillu ajornartorsiortorujussuusut, atuartitaanikkut imarisaasa appasippallaarnerat eqqarsaatigalugu, allassimasut ilagaat.
ATUARUK: Nationalbanki: Mittarfiit akisunaarneqarsinnaapput
Ilinniartitsisunngorniartarnermulli iliuuseqartoqarsimasoq Nationalbankip eqqaavaa, piffissarli sivisooq aatsaat qaangiuppat meeqqat atuarfiini sunniutissaaq.
Taamaammat Inatsisartunut kommunalbestyrelsinulli ilaasortat angajoqqaasuulli atuarfinni atuartitaanikkut qaffasissuseq anguniarneqarnissaa piumasariaqarpaat. Taamaanngippat siunissami suliffissat allaneerusunit tiguneqartassapput.
ATUARUK: Nationalbankip Nuummi suliniutit annertuut marluk navianartoqarnerarpai
- Inuussutissarsiutit amerlanerusut pigilissagaanni inuit oqaatsinik atuisinnaanerat pitsanngorsartariaqarpoq, suliffissani taakkunani nunap avataaninngaaneersunik sulisoqalerumanngikkaanni, Nationalbanki allappoq.