Aningaasanut inatsit
Aningaasanut inatsit mamaatsoq
Nunatsinni inatsisit pingaarnersaata atituumik isumaqatigiissutaanissaa iluatsinngilaq. Inatsisartut sammivinnut marlunnut avissimapput, taasinerit pingasunik assigiinngissuteqarlutik. Innuttaasut neqinut akitsuuserneqassanngillat akerlianilli juullimut mamakujuit akisunerulissapput
Naammassivoq. Ilungersorfiusimaqaarli.
Aningaasanut inatsit pillugu sapaatip-akunnerini arfineq-pingasuni kissatsissimaarluni oqallinneq allaat neqinut ikummatissanullu akitsuusiniarnerminut aningaasaqarnermut naalakkersuisup Anda Uldumip napparsimalissutigisaa tallimanngormat akunnerni tallimani oqaluuserineqareerluni akuersissutigineqarpoq.
Atuaruk: Professori: Politikerit ajornartorsiutit saaminnut ajattorpaat
Mamakujuttunut akitsuusiingaatsiarneq
Inatsisartut ataatsimiittarfiata silataani silarluup sinerissami angallannermik unitsitsisup ataani naalakkersuinermik suliallit oqallinnerminni kimmaapput, siorna aningaasanut inatsisissap pingajussaaneernerata oqalissutigineqarneranit allaaneroqisumik.
2016-imut aningaasanut inatsisissaq 687-inik qupperneqarpoq ukiunilu aggersuni aningaasatigut atugassanik tikkuussilluni. Annermik minnerusumilluunniit aningaasaliissutit assigiinngitsut innuttaasunik attuissapput; ingammik sapaatit akunnerini aggersuni akitsuutit qaffanneri marluk atui- sunut nalinginnaasunut malunnartussaapput: Sukkumut akitsuutip marloriaatinngortinnera ukioq manna juullimut mamakujuit akiinut qaffaataasussaavoq, qummoroortartunullu akitsuutip qaffarujussuarnera innuttaasut qummoroortartunik nuannarisallit akisunaarniarpaat.
Naalakkersuisooqatigiilli nuannaarutigisinnaavaat aningaasaqarnikkut ilungersunartoqaraluartoq akileraarutit allanngortinneqassanngimmata.
Aningaasanut inatsit Siumumit, Demokraatinit Atassummillu taperserneqarluni akuersissutigineqarpoq. IA aamma Partii Naleraq akerliullutik taasipput. 15-it akuersaarput 12-illu akerliullutik.
Aamma atuakkit:
Sulisitsisut: Aningaasanik aqutsineq ernumanartoq
IA-p aningaasanut inatsit akuerinissaanut marlunnik piumasaqaateqarput
Aningaasanut inatsit naammassilerpoq
Allaaserisaq uani sapaatip akunnerani AG-mi saqqummertumi atuaruk, ullumikkut pisiniarfinniilereerpoq. Uani ataani aviisi digitaliusoq atuarsinnaavat: