Skip to main content

Aningaasanut inatsisissatut siunnersuutip suliarineqarnera Olsvigip tupaallaatigaa

Inuit Ataqatigiit siulittaasuata Sara Olsvigip Aningaasaqarnermut Naalakkersuisup Pele Brobergip 2019-imut aningaasanut inatsisissatut siunnersuutip ullut sisamat qaangiutiinnartut allanngortinneqarnissaanik nassuiaataa naammaginngilluinnarpaa.

Ataasinngormat kingullermat Pele Broberg 2019-imut aningaasanut inatsisissatut siunnersuummik saqqummiussivoq, ukiaaneranilu ataatsimiinnissamut siunnersuutinik tunniussivissamut killiliussaq sioqqutilaarlugu aningaasanut inatsisissatut siunnersuut nutaaq Inatsisartut Allattoqarfianut nassiunneqarpoq.

Nassuiaat

Pele Brobergip nassuiaatigaa, mittarfiliortitsinissamut atatillugu teknikkut allannguineq kisiat pinnagu oqaasertanik allannguisoqarsimasoq.

- Oqaasertaliussani aningaasat milliardit affaat angullugit amerlassusillit eqqaaneqartillugit qanoq ililluni teknikkikkut allannguineq eqqartorneqarsinnaava, Sara Olsen Sermitsiaq.AG-mut oqarpoq.

- Sapaatip akunnerata siuliani missingersuusiorpugut, tassani Inatsisartut aningaasaqarnermut ataatsimiititaliami ilaasortat aningaasanut inatsisissatut siunnersuut misissoqqissaarpaat. Ilaasortat ataatsimiinnermut pingaarutilimmut aggersarneqarput tassanngaannartumillu aningaasanut inatsisissatut siunnersuut allanngortinneqarluni, Sara Olsvig oqarpoq.

Misissueqqinnisamik piumasaqartoq

Taamaammat taassuma piumasaraa, 2019-imut aningaasanut inatsisissatut siunnersuut nutaaq misissorneqarnissaanut aningaasaqarnermut ataatsimiititaliami ilaasortat missingersuusiornissaannut periarfisseqqinneqassasut.

Sermitsiaq.AG-p arfininngormat allaaseraa, Tele Greenland 2018-imi 2019-imilu 250 millioner koruuninik utertitaqassasoq. Tamanna aningaasanut inatsisissatut siunnersuummi nutaami allassimavoq. 2018-imut aningaasanut inatsimmi aalajangerneqarsimangaluarpoq Tele Greenlandip mittarfiliortitsinissamut tapiissutissai 250 millioner koruuniusut 2017-imiit 2019-p tungaanut tunniunneqartassasut.

Ukioq nassuiaaserneqassaaq

- Ukioq 2017 siunnersuummi nutaami atorunnaarsinneqarsimanera pillugu soorunami aningaasaqarnermut ataatsimiititaliami ilaasortanut paasissutissiarineqassaaq, Sara Olsvig paasissutissiivoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER