aningaasaqarneq
Aningaasanut inatsisissatut siunnersuut ukiuni tallimani aatsaat sinneqartoortoq
Naalakkersuisut aappaagumut aningaasanut inatsisissatut siunnersuutertik saqqummiuteqqammerpaat. Tamanna Randi Vestergaard Evaldsenip (D) anersaartulaarnissaanut periarfissiivoq
Aningaasaqarnermut naalakkersuisup pingasunngornermi ulloqeqqanut 2017-imut aningaasanut inatsisissatut siunnersuutini saqqummiuppaa.
Taanna nutaarluinnarmik 33 millionit koruuninik sinneqartoorummik takutitsivoq. Naalakkersuisoqatigiillu aamma illuatungiliuttunut immikkut ittumik isumaqatiginninniutissamik aningaasanik agguagassanik saqqummiussipput.
2011-imili siullermik aatsaat naalakkersuisoqatigiinnik sinneqartooruteqartumik saqqummiussisoqaqqippoq.
Atuaruk: Aningaasanut inatsimmut siunnersuut ullumikkut saqqummiunniaraa
Naalakkersuisulli maanna aningaasanik atuinerusinnaanngorneranik tamanna isumaqanngitsoq, Randi Vestergaard Evaldsen Nuummi tusagassiortunik katersuutsitsinermi oqarpoq.
- Taama ingerlalluartoqartillugu apererusunnarsinnaavoq, aningaasaatitsinnik amerlanerusunik atuisinnaannginnersugut?
Sinneqartoorut annertunngitsoq
- Akissutaa naaggaavoq, siunissami ukiumut isertitat 830 millionit koruuninik nikingalersinnaanerat pissutaammat.
Agguaaginnartoqarnavianngilaq, kisianni partiinik allanik aningaasanik amerlanerusunik isumaqatiginniunniutissaqassaaq.
Tassami nutaatut Naalakkersuisut aningaasaliissutissanik 40 millionit koruuninik immikkoortitsipput, taakku suliniutinut nutaanut naalakkersuisoqatigiit siullermik saqqummiussaannik ilaanngitsunut inissaqartitsissapput.
Aalisakkat akii nuannaarutaasut
- Taakku partiinit allanit inuiaqatigiinni ineriartortitsisussanut kissaatinuussapput, Vestergaard Evaldsen oqarpoq.
Aappaagumut nunap karsiani sinneqartoornissamut naatsorsuutigineqartut, raajat aamma qalerallit avammut tunineqarnissaannut isertitassat pissutaanerpaapput, taakku nunarsuarmi akii qaffakkiartuinnarput.
Kisianni aamma aningaasaqarneq aningaasat naleerukkiartornerinik iluaquserneqarpoq, ilaatigut nunasuarmi uuliap akiisa appariartornerannik pissuteqartumik.
Atuaruk: Aningaasanut inatsimmut siunnersuut ullumikkut saqqummiunniaraa
Siumumit, Demokraatinit aamma Atassummit aamma siunnersuutigineqarpoq, 2018-imi suliffeqarfiit akileraarutaat appartinneqarnissaat.
Naak tamanna inatsisissatut siunnersuutitut suli saqqummiunneqanngikkaluartoq, Inuit Ataqatigiit isornartorsiuinermik saqqummiussereerput.