siunissami mittarfiit

Aningaasaliisartut tusagaqanngilluinnarsimasut

Siemens Grønland, MT Højgaard aamma Unipension Nuummi Ilulissanilu mittarfinnik talliliinissanut suliniutinut aningaasalersuinissamut aaqqiissutissanillu tamakkiisunik suliaqarnissamut piareersimanerarlutik qaammatit marluk matuma siorna nalunaarput. Kingornali Kalaallit Airportsimit tusagaqanngilluinnarsimapput.Tamanna Siemens Grønlandip pisortaata eqqumiigaa

- Attaveqarfigineqanngilluinnarluni eqqumiiginartuuvoq. Taamatut aningaasalersuinissamut siunnersuuteqarneq am­maannarnavianngilaq, Carsten Uhrenfeldt Dahl, Siemens Grønlandimeersoq oqarpoq.

Suliffeqarfissuit ataatsimoortut Nuummi Ilulissanilu mittarfiit tallineqarnissaan­nik suliniummut aningaasalersuinissamut aaqqiissutissanillu tamakkiisunik sulia­qarnissamut piareersimanerarlutik ukioq manna septembarimi nalunaarput. Sulif­feqarfiit ataatsimoortut, tassaasut Siemens, MT Højgaard aamma Unipension ilaatigut Københavnimi Ingeniørforeningenimut saqqummiussipput, Inatsisartullu Sanaartor­nermut Ataatsimiititaliaannik Münchenimi mittarfeqarfimmik takuniaasitsisimallutik.

Atuaruk: Siemens mittarfinnik ingerlatsivinnik nutaanik pilersitserusuppoq

Tusagaqanngillat

Kalaallit Airportsip siulersuisuinik ataasiar­lutik aamma ataatsimeeqateqarsimapput. Tamatumalu kingorna pisoqarpallaarsimanngilaq.
– Periarfissiissutigisavut Københavnimi septembarimi ataatsimiinnermi siulittaasu­mut Leo Larsenimut siulersuisunullu saqqummiuppavut. Uterfigeqqikkusuppaatigut sulili tutsaqaratik. Qaammatialuit matuma siornali taama pisoqarpoq, taamaattumik tamanna eqqumiigikannerpara. Illuatungaa­tigut periarfissanik assigiinngitsunik misis­suinissamut piffissamik atuisoqartussaanera paasilluarsinnaavara. Kisianni tassanngaan­nit attaveqarfigineqanngilluinnarluni eqqumiiginartuuvoq. Taamatut aningaasalersuinissamut siunnersuuteqarneq am­maannarnavianngilaq, Carsten Uhrenfeldt Dahl, Siemens Grønlandimeersoq, maan­nakkorpiarlu suliffimminut atatillugu Indiami angalasoq, oqarpoq.

Atuaruk: Nuuk Ilulissallu Kalaallit Nunaannut isaaffinngussapput

Allaaserisap sinnera Sermitsiami kingullermi atuaruk. Aviisi uani pisiarineqarsinnaavoq:

Powered by Labrador CMS