Sulorarneq

Angutit nunanut allanut unammisartut Slovakiamut ajorsarput

Sæt-imi katillugu 0-5-erlutik kalaallit sulorarlutik angutit nunanut unammisartui Slovakiamut ajorsarput

Makkerparret fra Ilulissat Bror Madsen og Taatsiannguaq Pedersen spillede mod Miroslav Haring og Juraj Vachalek, hvor de tabte 1-2 i sæt.

Angutit kalaallit sulorarluni EM-p ammaanersiornermi slovakiamiunut unamminerit tamaasa ajorsarfigalugit pissagatitsinngitsoorput.

Arnat angutillu iligiikkaarlutik Europami Sulorarlutik pissartanngorniunneranni ammaanersiornermi peqataanerput immikkut taaneqarluni tikilluaqqusaavugut. Sulorartartut kattuffiat Facebookimi paasissutissiivoq.

Ilingiiaarnermi pissaganartoqalaartoq

Iluliarmiullu ilingiit Bror Madsen aamma Taatsiannguaq Pedersen, Miroslav Haring aamma Juraj Vachalek unammineranni sæt-i siulleq ajorsarfigeriarlugu aappaa 21-18-mik ajugaaffigimmassuk, unammineq pissaganarsiallassimavoq.

Sæt-illu pingajuanni 16-21-mik ajorsaramikkut ajugaanngitsoorput.

Ataasiakkaarnerni unamminerit pingasut

Sulorartartut angutit ataasiakkaarnermi pingasoriarlutik unammipput, tassani Jens-Frederik Nielsen, Taatsiannguaq Pedersen aamma Toke Ketwa-Driefer slovakiami unammisartut unammivaat.

Angutit Slovakiamut unamminerini inernerit tamaasa uani takukkit.

Angutit Ungarnimut unamminissaat

Angutit sulorartartut aqagu pingasunngornermi Ungarn unammissavaat, unammineq siulleq Nunatta nalunaaqutaa malillugu 10.00 missaani aallartissaaq.

Angutit bane 4-imi unamminerat uani takusinnaavat.

Arnat Bulgariamut unamminissaat

Arnat Bulgariamut unammissapput, unammineq siulleq ullaassakkut 06.00 missaani aallartissaaq.

Arnat bane 7-imi unamminissaat uani takusinnaavat.

Powered by Labrador CMS