isikkamik arsaanneq
Angutit isikkamik arsaattartut ajorsartut
Kalaallit angutit nunanut allanut unammisartui sisamanngornermi Qallunaat Nunaanni Island Games aallartinnginneri unammipput. Unammisartut qallunaat 2. divisionimi unammisartuinut ajorsangaatsiarput
Isikkamik arsaallutik nunanut allanut unammisartui sisamanngornermi 2. divisionimi unammisartut Frem Valby Idrætsparkimi unammingamikkit aallartinnerlerujussuarput.
Unamminermi minutsit 15-it ingerlasimatsiaannartut Frem 3-0-mik siuarsimavoq, qallunaat unammisartui nittartakkamini taama allaaserinnippoq.
- Unammiat (kalaallit nunanut allanut unammisartui misileraapput, taamaattoq unamminermi arsariaasiat arriitsuaraavoq timiminnillu iluamik atuilluaratik, Frem taama allappoq.
Ajorsangaatsiartut
Unamminerup immikkoortua siulleq naammassimmat hjemmebanertut 4-0-mik siuaqqapput.
Unamminerup immikkoortuani pingasunik isertitsisoqaqqippoq, isertitarineqartulli tamarmik qallunaat 2. divisionimi unammisartuinit isertinneqarlutik.
Taamaasilluni unamminerup naammassinerani Frem 7-0-mik ajungaavoq.
- Unammineq pissanganartorsiorfiusimanngilaq, tamanna unamminerup 7-0-mik inerneqartup aamma takutippaa. Unammiallu suli ajornerusumik ajorsarnerusinnaasimangaluarput, taamaattoq unammisartunik nutaanik misileraanissamut periarfissinneqarsimapput, Frem nittartakkamini taama allappoq.