assammik arsarneq
Angutimmarik nunanut allanut unammisartunngoqqittoq
Panamerikami unammersuaarnissami Kalaallit Nunaat angusarissaarnissaa qularnannginnerulerpoq Angutimmarik Kreutzmann nunanut allanut unammisartunngoqqinnissani aalajangermagu
Angutit nunanut allanut assammik arsarnermi unammisartut Panamerikami unammersuarnissanut aallannginnerminni marloriarlutik sungiusaqatigiinnissaanni Angutimmarik Kreutzmann peqataassaaq.
Naak unammiartortussat suli toqqarneqanngikkaluartut Angutimmarik Kreutzmannip unammiartoqataanissaa qularnanngilaq.
Unammisartuuneq pingaarutilik
- Soorunami aalajanginnginninni eqqarsarluaqqaarpunga, Angutimmarik Kreutzmann Sermitsiaq.AG-mut oqarpoq.
- Aasara nunanut allanut unammisartutut unikkallarniarlunga aalajangernera oqitsuinnaanngilaq. Maannakkulli kajumissuseqarluaqqilerpunga peqataaqqittalernissannut.
- Panamerikami unamminissaq pissanganassaaq, nunammi pingasut VM-imut annguttussaaapput. Kikkut imminnut unammiumaarnersut apeqqutaajumaarpoq kikkut VM-imut anngutissanersut, Angutimmarik Kreutzmann oqarpoq.
Angutimmarik maannakkut Nordsjælland Håndboldimi unammisartuusoq klubbimiiginnassaguni aappaagu 1. divisionimi unammisartuussaaq. Pokalinnanniunnermi unamminermi Svendborg Håndbold unammineqarput. Nordsjælland Håndbold ilimagineqareersutut ajugaapput, 21-30-mik ajugaallutik. Unamminermi Angutimmarik minutsini 25-ni arsaqataavoq.
Klubbimut isumaqatigiissutaa aasaru naammassissaaq, maannakkumullu nalugallarpaa aappaagu unammiffiusumi sumi unammisartuussanerluni.
- Arsaqataasarnissara pingaartissavara, maannakkullu periarfissaasinnaasunik misissuivunga, Nordsjælland Håndboldimi unammisartuuginnarnissaminut ammasoq Angutimmarik Kreutzmann oqarpoq.