assammik arsarneq
Angutimmarik Kreutzmann Randers HH-mi unammisartunngorpoq
Assammik arsartartoq Nordsjælland Håndboldimi ukiuni marlunni unammisartooreerluni Randers HH-mi unammisartunngorpoq
Unammeqataasinnaanermut uppernarsaat inississimariarpat Angutimmarik Kreutzmann Randers HH-mi unammeqataassaaq pingasunngorpat. Tassani pokalinnanniunnermi GOG-mut unamminermi peqataasinnaassaaq.
Iluarisimaarpaa
Angutimmarik Kreutzmannip arnaataa aamma assammik arsartartoq Cecilie Greve Randers HH-mi aamma unammisartunngornera pissutaalluni, nuunnini nuannaarutigaa.
- Håndboldligaenimut unammisartuunissamut Randers HH anguniagaqartuuvoq. Qanoq ingerlassanersugut pissanganarpoq. Unammisaqattaarfiusut aallartinnginnerini pingasoriarluta sungiusaatigalugu unammisareerpugut. Pingasunnngorpat GOG-mut unamminermi sisamassaa unammeqataassaanga, Angutimmatik Kreutzmann oqarpoq.
Qatanngutini unammisinnaavaa
Angutimmarik Kreutzmannip unammeqataanissamut uppernarsaataa inississimassappat, qatanngutini Akutaaneq Kreutzmann unammisinnaavaa. Minik Dahl Høegh GOG-mi aamma unammisartuuvoq, Jakob Larsenilu sungiusaasuulluni.