assammik arsarneq
Angutimmarik Kreutzmann Danmarkimi unammisartunngoqqippoq
Dijon Bourgogne Handballimi Angutimmarik Kreutzmannip unammisartuunera suvikitsuararsuuvoq
Panamerikkami pissartanngorniunnermi Angutimmarik Kreutzmannip Frankrigimi unammisartunik isumaqatigiissuteqarnera nuannaarutigineqaraluarpoq.
Frankrigimili sivikitsuinnarmik najugaqarpoq. Dijon Bourgogne Handballimi Angutimmarik Kreutzmann unammisartuuvoq, isumaqatigiinnikkullu isumaqatigiissut atorunnaarsinneqarluni.
Angutimmarik Kreutzmannip klubbi nersualaarpaa. Kisianni Danmarkimit Frankrigimut unammisartuuneq allanngorfiummat annertooq, kiisalu oqaatsitigut ajornartorsiutit pissutaallutik Angutimmarik Kreutzmann Nordsjælland Håndboldimut unammisartuuleqqissaaq.
- Frankrigimi unammisartuunissaq uannut tulluutinngilaq. Assigiinngissutsivut amerlapput kiisalu aamma oqaatsitigut ajornartorsiuteqarluta. Taamaammat Danmarkimut uterniarlunga aalajangerpunga, kiisalu uannut iluaqutaasussaanngitsut piffissaajaatigerusunnagit, Angutimmarik Kreutzmann Sermitsiaq.AG-imut oqarpoq.
Angutimmarik Kreutzmann Nordsjælland Håndbold peqatigalugu Schweizimiippoq, tassani unammisartunut pikkorissunut unammisaqataarlutik.