kræft
Angutaaniarpallaat kræftimik nappaateqarnermut ersiutit soqutigineq ajorpaat
Angutit sivisuallaamik nakorsiarnaveersaartarput taamaalillutillu kræfteqalernertik kingusinaarlutik paasisinnaasarlugu. Kræftimut akiuiniaqatigiiffik Neriuffik angutit kræfteqariaasii assigiinngitsut pillugit paasisitsiniaalluni aallarteruttorpoq
Arnat angutillu assigiinngissuseqarput. Arnat timiminni maluginiagassanut malussarinnerusarput taamaattumillu angutinit nakorsiakulanerusarlutik.
Angutit ersiutit soqutigineq ajorpaat ikiortissarsiornissartillu sivisuallaamik utaqqissuttarlugu. Ajornartorsiut tamanna nunarsuarmi tamarmi ilisimaneqarpoq Nunatsinnilu aamma atuulluni.
Atuaruk: Kræfti siunissami nappaat toqunartuujunnaarnissaa neriugineqarpoq
Paasissutissat
Kræfteqariaatsit assigiinngitsut pillugit paasissutissanik amerlasuunik, kræftimut akiuiniaqatigiiffik Neriuffik nutserisitsisimavoq, angutillu kræfteqariaasii assigiinngitsut pillugit kalaallisut atuagaaqqanik suliaqaleruttorluni.
- Kræfteqariaatsit assigiinngitsut pillugit atuagaaqqat Danmarkimi Kræftens Bekæmpelsimeersut kalaallisuunngortinneri naammassilerpavut. Angutit kræfteqariaasii nalinginnaanerusut nutsertinniarlugit ukiormanna aalajangiunnikuugatsigu. Tamakku tassaasinnaapput usukkut aamma quup aqqutaatigut kræfteqalernerit, Neriuffiup siulittaasua Sara J. Brandt oqarpoq.
Maluginiagassat
Danmarkimi Kræftens Bekæmpelsip paasisitsiniaaneq taaguutilik ‘Kend de syv tegn’ (Maluginiagassat arfineq-marluk ilisimakkit), paasissutissanik pingaarutilinnik paasissutissiisoq suliarisimavaa.
- Maluginiagassat ‘De syv tegn’ immikkut sammineqaleruttortut, Kræftens Bekæmpelsimik Danmarkimi ataatsimeeqateqarpugut. Taakkua kalaallisut nutserneqarnissaat pilersaarutigaarput, tassami ilaatigut oqariartuutigimmassuk eqqumiitsunik malugisaqaraanni nakorsiartoqartariaqartoq, Sara J. Brandt oqarpoq.
Sapaatip-akunnerani AG-mi saqqummertumi allaaserisaq tamaat atuaruk. Aviisi piniarfimmi imaluunniit uani ataani e-aviisitut pisiarisinnaavat: