pinerlunneq
Angut utoqqaq meeqqanik porno'lianik amerlasuunik pigisaqarnini pineqaatissiissutigaa
Angut 74-nik ukiulik meeqqanik porno'lianik pigisaqarsimanini siammarterisimaninilu kingunerisaanik qaammatini arfinilinni isertitsivimmiittussanngorpoq
Nuummi eqqartuussiviup ullumi sisamanngornermi, angut 74-nik ukiulik ukiup affaa isertitsivimmiittussanngorlugu pineqaatissippaa.
Unnerluussisussaatitaasoq Tobias Berg tusagassiuutinut nalunaarummi allappoq.
Siaruarneq
Angut pineqartoq 2013-miit 2015-imut meeqqanik atisaqangitsunik 70.000 missaanni pigisaqarsimasutut meeqqanillu porno'lianik 3.000 missaanni pigisaqarsimasutut pineqaatissinneqarpoq.
- Taakkua saniatigut pigisaminik qarasaasiakkut siammarterisimasutut aamma pisuutinneqarpoq, paasissutissiarineqarpoq.
Unnerluussisussaatitaasut eqqartuussinermi qaammatini arfineq-pingasuni isertitsivimmut pineqaatissiisoqarnissamik piumasaqarput, inuttulllu isiginiarnerani ukiuilu pillugit eqqartuussiviup qaammatini arfinilinni isertitsivimmiitinneqarnissaa naapertuussoraa.
Eqqartuussineq suliaritassanngorteqqikkaa
Angut pinngitsuutinneqarnissani pillugu eqqartuussut suliaritassanngorteqqikkaa, nalunaarutigineqarpoq.
Politiassistent Martin Andersen'ip eqqartuussut iluarisimaarpaa.
- Angut pineqartoq meeqqanik porno'liat pillugit pinerlunnermut inatsimmi allassimasut unioqqutigaatsiarsimanera pillugu eqqartuussiviup pisuutitsilluni isertitsivimmi parnaarusseqqusinera iluarisimaarpara, taanna oqarpoq.