Tunu
Angut toqungasoq siumorneqarpoq: Angut 54-nik ukiulik toqutsisimasutut pasineqarpoq
Angut 54-nik ukioqartoq Illoqqortoormiini 27-nik ukiulimmut toqutsisimasutut pasineqarpoq. Sooq toqutsisoqarsimanersoq politiinit suli ilisimaneqanngilaq
Illoqortoormiini angut 27-nik ukioqartoq angerlasimaffimmini toqungasoq siumorneqarpoq tallimanngormat.
Misissuinerit takutippaat angut toqutaasimasoq, Kalaallit Nunaanni Politiit ilisimatitsipput.
Pisoq politiinit suli misissorneqarpoq. Misissuinermi angut 54-nik ukioqartoq politiinit tigummigallarneqarpoq. Angut 54-nik ukioqartoq toqutsisimasutut pasineqarpoq.
Suliami misissuisoqarnera pissutaalluni oqartussaasut oqaaseqarumanngikkallarput. Sooq aamma toqutsisoqarsimanersoq paasiniarneqarpoq.
Danmarkimi toqusunik misissuisartoq tikisinneqarpoq, suliami aamma Nuummi Tasiilamilu politiit suleqatigineqassapput, politiit ilisimatitsipput.
Angummik toqungasumik siumuisoqarsimaneranik politiinut nalunaarutiginnittoqarpoq tallimanngormat nalunaaqutaq 22.45.