video takujuk
Angut titartakkanik nuannarineqarluartunik titartaasartup filmiliaa nuannarineqarluarpoq
Titartakkanik eqqumiitsuliortoq nuannarineqarluartoq Robert Holmene umiarsuarmi Sarfaq Ittumi takornariat nunarsuatsinneersut filmiliarisimavai. Aammalumi Kim Kielsen qungujulaqaluni nueriasaassanerluni.
Titartakkat Buuarsikkut nuannarineqarluartuupput erlinnartuutigineqalersimallutik, angulli taakkuninnga titartaasuusoq Robert Holmene, allami atorfittaaraluarsimalluni Sermitsiaq.AG-mut Nuuk Ugeaviisimulli titartakkat nuannarineqarluartut titartarisartakkani qujanartumik unitsinnissaanik eqqarsaateqanngilaq.
Angut oldfrueq
- Umiarsuaateqarfimmi siullersaallunga angutini oldfruejuvunga. Kisianni uannut teamlederitut taasarput. Suliffinnguarlu. Nuannareqaara, taaanna Sermitsiaq.AG-mut oqaluttuarpoq.
Umiarsuarmi Ilulissaniit Qaqortumut sinersortartumi ilaasorpassuit pinngortitarsuilli kusanaqisut sanioqquttakkatik sunngiffimmini filmiliarisinnaavai.
- Umiarsuarmi inuit naapittakkat pissanganaqaat. Sulinngiffeqarlutimmi nuannaartaqaat, umiarsuulli qaavaniit isikkiviginnerpaasarlutik, 47-nik ukiulik Robert Holmene oqaluttuarpoq.
Filmi nutaaq saqqummilertoq
Massakkulli amerlanerujussuarnik filmiortoqassasoq ersersarpaa. Nutaaq saqqummiliivippoq, tassani umiarsuarmi ilaasut umiarsuup qaavani qitittut filmiliarineqarlutik, taanna ersersaavoq.
- Umiarsuarmi sunngiffeqarninni torersumik aaqqissuineq nuannareqaara. Taamaaliorneq nuannisaarutigisaqaara, quisasaarutinik allattartoq aqerluusamik politikkikkut pisunik arlalissuarnik titartaasarsimasoq oqarpoq.
Filmi 11.000-luni takuneqarsimasoq
Videomi aasaanerani umiarsuarmi ilaasorpassuit naapittarsimasai maannamut 11.000-it missaannit taassuma Facebookiani takuneqareersimavoq.
Uani takujuk takoqilluguluunniit.