Aasiaat
Angut tigummigallagaalersoq: Inooqatini niaquagut tukkaraa
Aasiammiu angut 23-nik ukiulik Qaasuitsup Eqqartuussivianit ulluni 25-ni tigummigallagassanngortinneqarsimavoq aapparminut 17-inik ukiulimmut sakkortuumik annersaareersorlu
Annonse
Aasianni politiit imigassartorsimasut akornanni persuttaattoqarneranut sapaammi aggersarneqarput, tassani angutip 23-nik ukiullip inooqatini 17-inik ukiulik annersarsimavaa isummittarlugulu aammalu niaquatigut tukkarsimallugu.
Angut sakkortuumik aapparminut annersaasimasutut erngerluni politiinit tigusarineqarsimavoq ullorlu taanna aamma Qaasuitsup Eqqartuussivianut sassartinneqarsimalluni ulluni 25-ni tigummigallaalerneranik kinguneqartumik.
Taama Qaasuitsup Politiivini pisortaq Kasper Berthelsen Sermitsiaq.AG-mut oqaluttuarpoq.
Arnaq persuttarneqarsimagaluarluni ajunngitsoq aamma Kasper Berthelsenimit ilisimatitsissutigineqarpoq.