Uummannaq
Angut tammaaneqartoq ajunngitsoq nassaarineqarpoq
Angut ujaarineqartoq Uummannap ungasinngisaani nassaarineqarpoq. Angut qamuteralalluni ajutoorsimavoq, kisiannili ajoqusersimanani
Annonse
Uummannami politiit angut 66-inik ukiulik pingasunngornermi ujaaraat.
Taanna ajoquteqanngitsoq maanna nassaarineqarpoq, politiit ilisimatitsipput.
Atuaruk: Qamuteralannik angalasoq Uummannap eqqaani ujaarineqartoq
Tassami Qaasuitsumi politiit ujaasisut ullumi nalunaaqutaq 11.56 Karl Petersen sikumi Uummannap ungasinngisaani ajunngitsoq nassaaraat.
- Pineqartoq qamuteralamminik ajutoorsimavoq, kisiannili nammineq ajoqusersimanani, politiit allapput.
Taanna maannakkorpiaq Uummannaliaanneqarpoq.